يوميات علوب
قالو الدود قرقر .....!!!!!قبل فترة وقبل ( القفيل ) دا كنا مشينا مصر رحلة كداشغالين نلم في قروشا دي لينا سنة .....!!!أنا و( معمر ) و ( جعفر ) ( والصاوى ) و ( الهادي ) ( هدهد ) .....دا كمان عامل فيها مقطعاوهو أول مره يسافر بره السودان .....!!!( تسمع أول مره تقول نحنا طيارين ) ...!!غايتو ( جعفر ) دا مشي ( إريتريا ) أسبوعين ....أدبنا ليك أدب ...نقول أي حاجه ....!!يقول ليك لما كنا في أسمرا ...!!المهم خلينا في مصر دي ياخ ...!!وصلنا ليك القاهرة بي ( تاركو ) الضهرية كدا وقلنا كدا نزلنا ليك...( سياح بس ) ...النضارات دي كيف ....( كلها مضروبه طبعًا من شارع الجمهورية )والبناطلين والشنط ....يازوول داخلين في الدوروتسعمية دولار مشتركين فيها كلنا بعد التذاكر ...!!كل مره نطلعا نعاين ليها وندخلا تاني( دي كان وقعت تاني ( الأنتربول ) ما بجيبنا )غايتو التعب التعبناهو في جمعها ....الحكومة ما تعبتوبس الكويسه ( الصاوي ) دا عندو قريبو شغال في السفارة هناك ...!!( شغال شنو ما عارفنو ) ( بس يقول ليك في السفارة ).. ..المهم الزول دا ظابط لينا موضوع الشقة دي قال هديه منو لينا ....طبعًا دا الجابنا ذاتوسكن ( ملح ) ولو جعنا ندوس الفول مع المصريين ديل .....!! المافي شنوالمهم الحتة السكنا فيها كأنو ما سافرنا والله .....جوطة وزحمة وناس تعبانه وشقيانه ....يعني نفس المأساة الشاردين منها( تغيير شنو ماعارف )..والمصريين ديل كمان كوراك شديد ...!!هو الزول بكون جنبو يعني ممكن يقول ليهو براحة كدا يا محمودلكن لاا محموووووووود .....اا حووووووووووودهصوت يجيب الطاشي ...( هم قالو مالم ... ؟؟؟؟ )لكن لذيذين والله تحس إنك جوه مسلسل ..!!شافع معلق في عمود ... وتكسي يقرب يدقشكوالبوري دا ( سيرة ) بس ....تيييت تيييت تيييتوالونسه ( واااضحة ) أي زول يسمع ....واحده جنبنا قالت للتانية ...(( هوا يعني علشان ربنا بعتلو شويه فلوس فاكر إنو حيشترينا ولا إيه ...... أوليلو ..لا ...دا احنا برضك ولاد عيل واصول واخد بال حضرتك ....!دا ( بابايا ) دا هو اللي صرف عليه أيام ( القامعة )ولو كان ناسي خليه يفتكر ..!! ))( ونحن نتابع باهتمام ....!!وعن كثب ) ....!!قربت أقول ليها باباك أسد والله .....وباباك ياهو ( بابانا )....!!جعفر قال ليها( قدعة يابت والنبي ) ....جعفر دا قال مره قال لي ابوه يا ( بابا ) ساكت كدا قالداير يجرب الحاجه دي .....اقال طردو من البيت يومين وقال ليهو الظاهر دي بطالة جديده ...!!! ......المهم أخدنا لفتنا وجينا الشقة الملح دي( فعلا الملح مر )غايتو في ملاية مفروشة جوه بكون رقد فيها ( رمسيس )المهم نمنا فيها فيها من التعب ( المرقود) دا يقرص فينا الليل كلو ونحن ضاغطين .....!!لما لقي مافي فايده هو ذاتو نام معانا ....!!صحينا الصباح قلنا للهادي كان في لبن هنا جبناهو معانا امبارح.... شفتو وين ....!!؟؟قال لي لا والله ماشفتوش .....!!هيااااا الما ( شفتوش )( الهادي ) بعد يوم واحد في مصر قلب محمد رمضان ) ....)( شوفو ليكم منظر ) ... قربنا ندقو ......!!!!قلنا ليهو قوم تقوم قيامتك ....طلع شربو هو ....!!قلتا لي شوف يالهادي نحن حنتكلم بي لهجتنا السودانية دي الداير يفهم يفهم حبابو والداير يعمل مجنون ورايح بي طريقتو .....نحن سودانيين ما أي حاجة تانية .....ولمعلوماتك أي زول داير يفهمك وعندو معاك مصلحة بفهمك ...يعتي تقول ليهو هاك دي عشرة جنيه طوالي بعرف انو هاك دي يعني خد ....عرفتا ...!!أنا غايتو لما زول مننا يقول لي ( دقيت عليك في الجوال ) دا كأنو دقاني أنا ذاتي .طوالي بطني بطم ....العجب السيارة ....( طمام وخمة نفس )أها كمان اذا وصلت مرحلة ( حبحب ) وبذورة )( المحكمة بس ) .....!!!المهم يازول طلعنا ليك تاني يوم( سياح لا قو سياح ) ويا ( كايرو ) جاك زول ....!!( معمر ) قال نفسو يلاقي (مي عز الدين )الممثلة ديك ....!!طبعًا الآمال دي أحلى حاجه في الدنيا بغض النظر عن مآلاتها ....!!وهي نصف الحقيقة ...!!والوقفة دايماً احلي من العيد ...( مي ) دي ياتا فيهن ماعرفتها ...!!؟؟ )يازول والمصريين يعجبوك رغم اي حاجه بسما بدو للحياة فرصة ....!! بلاووهاوبتلاويهم ...( ونزال بين جبروتها وقوة احتمالهم في منتصف شوارع المدينة وأزقتها التي تضج بالحركة والحياة ولا تعرف السكون ....!!!)أها اليوم البعدو نزلنا ليك وسط البلد والدنيا دي فايرةوالناس دي زي يوم القيامة ....!!مرا سايقا ليها ستة شفع وشايله اتنين في صفحتا وقاطعة الشارع .....!!!وعمك عجوز كدا البنطلون دا ( شانقنو ) لحدي السدر ....وشعرتين مثبتم بي صمغ ولا ( غرا ) ما عارف ...غايتو ( دا ما شغل ( جل ) ..لكن حاااااايم ( الحنين ) ...!!يتلفت كمان .....!!والشمسيةدفعتو عندنا بكونو ( جلسو ) ....الناس دي مفروض تتحرك والله ويحركوها الركنة دي كعبة شديد ...!!ياخ العربية كان ركنوها بتبوظ ....خلي الزول ...!!بعد شويه تسمع واحد يقول ليك وسسسسسسعشايل ليهو طاولتين رغيف في راسو وشاقي الدنيا والعالمين دي ....!( الغريبه مافي زول بدقش التاني ) ...!!شوف البزار داانتو ناسنا ديل ما يسألو المصريين ديل يقولو ليهم إنتوالعيش دا بتلقو وين ....!!!؟؟ميه مليون ( ماشاءالله ) .....نحنا في كل حلة صف ..!!اها جاتني ليك عجوز كدا بتشحدقالت لي ( ربنا يقوزك اللي في بالك يارب )طوالي اتذكرتا ليك ( رحاب ) اللهبة بت جيرانا ديكقطعتا فيها عشرة جنيه ...( جابت من جوه الشحادة دي ) ....!!( والله المصريين فنانين) ....!!حاسوق البشحدو عندنا ديل ياخدو ليهم دورة هناك ...حقننا في الاستوبولا بتكلمو معاك ذاتو( مشغلين الهزاز )بس ترفع ليك شافعا كدا في شباك العربيه ...!!( دا يعني اشطفو ولا اعمل ليهو شنو ) ...!!ماعارف واللهاها مشينا شارع كدا لمن دعكنا عيونا ....خفنا نكون رجعنا ....!!يازول دا كلو سودانيين ( مبركنين ) في مصر ديمفتكرنهم يحضنونا كدا ويسلمو علينا ويشموناباعتبارنا فينا ريحة السودان ...اقسم بالله ولا عاينو لينا ذاتو ...اكتشفنا السبب إنو شدة ما كتار حاسين إنهمفي ( أبو حمامه ) ...!!السودانيين مشترين بي ملايين الدولارات في مصر( شقق بس ) ...اقعدوا انتو اقطعوا في الكهربا والبلد وسخانه والمتر في الرياض بالدولار ....والقاهرة تفتح أحضانها للجميع ....!!الله غالب بس ...جانا قريب ( الصاوي ) دا قال مودينا ( الأهرامات )ناس جعفر اعترضو قالو ( أهرامات ) شنو كمان نحنا( ألمان ) ....!!هو نحن العندنا ما مشينا ليها....!!( معمر ) بي خجله كدا قال ليهو كباريه ...كباريه...!!مافي !!؟.نتفرج بس ....!!عمك قريب الصاوي دا يضحك سااااي قال هو عشان شغال في السفارة ما بمشي الحتات دي ...!!( الهادي ) من الزهج قال لي تسمع السفارة تقول القنصل ...!!المهم جلينا الفكرة ....والزول دا أصلو والله ماقصر معانا وعمل معانا الواجب وزيادة الا نحن نكارين جميل ...!!المهم قام عزمنا في محل ( سمك ) كدا مشهور اسمو ( قدورة )....!!ديل كمان أدونا احساس انو نحن الوحيدين الجايين ناكليازول ترحيب رسمي وشعبي وياباشا ويا ( بي ) ويا فندم ....الهادي دا وقف ( تامبيرا ) ( دخل في الشخصية )دلع شديد وخفة يد والصحانة دي اترصت كيف في ثواني ....وواحد كدا كل دقيقتين يجي يمسح الطربيزة( ساكت كدا بدون سبب ..) وبمسح معاها ( صلعة ) قريب الصاوي دا ويمشي ...وشابكنا ليك كل سنة وانتو طيبين ....!!( قالا كم مره كدا)الصاوي قال إنتو هو دا العيد ولاشنو ....!!!!؟قريبو دا قال ليهو دي عشان بعدين تردوا ليهو التحيه دي في البقشيش ...!!ناس شغالة ياخ ...!!مره في المسيد ماشين على مدني دخلنا مطعم كداقلنا ليهو ماعندك غير البرميل دا نغسل يدينا ...مشي قال للمعاهو الأولاد ( السحاسيح ) ديل قالو المويه تعبانه ....!!داك قال ليهو اطردم طوالي ......!!عشان كدا ( قدورة ) محلو مدور ....!!أما هؤلاء قد ذبحوا ( الماركتنغ ) في وضح النهار ....!!المهم يازول قضينا أيام لذيذه واشترينا كم حاجه كدا والهدايا لي أحبابنا وأهلنا في السودان ....!!( مشاعر ) كاتبه لي لسته كدا أقلا حاجه فيها ( سيشوار ) وكم لبسه وعبايتين وجلاليبقايلاني ماشي مبعوث في الجامعة العربية ...!!لكن والله اشتريت ليها الفيهو النصيب والحاجه كمان ( أهما زول ) وفطوم وعبير ....والشباب برضو اشترو لي أهلهم ....!ود الحاجة موصينا لي ( دوا ) كدا لي أمو جبناهو طبعًا وجبنا ليها هدية برضو ....!كيف ياخ تستاهل ( ست النفر ) وست أي حاجة ...!!مرا بمية راجل مكافحة كدا وجامدة ربت ( محجوب )داواخوانو ......ابوهم مات خلاهم صغار ...!!عشان كدا مافي زول بعرف ( محجوب ) دي ...بس بنقول ليهو ( ود الحاجة ) الله يطول عمرها ...!!دا كلو في التسعمية دولار ديك ...!!!اتاري القروش دي بركة ما رقم .....!!ربنا ذاتو قال كدا ....تاني شنو ...!!المهم في النهايه قضينا اجازه لطيفة في قاهرة المعز وعدنا أدراجنا الي الخرطوم الأعز .....!!حيث اقلعت الطائرة من مطار القاهرة الدولي في طريقها للسودان ...جعفر قال اشتقنا للبلد شوق ما عادي...!( الهادي ) قال ليه خلاااااص يا الجاي من كنداأنا غايتو لو لقيت الكهربا قاطعة برجع بي طيارتي ديذاتا ...!!( الصاوي ) قال ليهو الكهربا ( بتقطع ) إنتا ( بتقطع ) حق التذكرة من وين تاني .....ضحكنا ضحك ونحنا في الجو ....جعفر قال للهاديإيه ياهادي ( الجبنات )ما وحشتكش ....!!!الهادي قال ليهو .....وحشتني أوي أوي.....!!يازول جنس ضحك فوق وقرقرابة ...!!في عريس وعروس جنبنا في الطيارة يسمعو في ونستنا دي ويضحكو سااااكت ميتين من الضحك ....اتعرفنا عليهم وباركنا ليهم هو والعروس والونسه دقت والحكاويهسا عازمننا يوم الخميس حفلة في بيتم في ( الصحافة ) بمناسبة رجوعم من شهر العسل ....!! والعريس يشيل ويوصف لينا في البيتوالعروس قالت لينا كلمو أهلكم ضروري يجو ....!!( تقول لي مصر ) ....!!صحي الكهربا بتقطع بس المحبة شغاله ...إذا كانت تلك أم الدنيا نحن أبوها وأبو أي حاجهيا أخوانا ماتنسو الخميس الصحافة ...شارع شرقمربع 31 ولا كم ماعارف جنب بقاله اسمها ( أريج ) أي زول داير يجي طوالي يشرفنا الزول دا قال اعزمو ساكت البيت بيتكم ....!اها وصلنا المطار كدا ...في نص الجوازات الهادي قعد يكورك لي أ علوووووووووب بصوت عالي كدا زي ناس ( محمووود ) ديكواحده جنبنا قالت لي أختا مسكين يكون مجنون ...ودو مصر العلاج ...( كر علي ) ....!!ديك خلت أي حاجه بقت تشيل وتعاين في ( الهادي ) دا بس مركزا معاهو ...رافعة التوب في نخرتا والعيون رقرقن خلاااص دايرا تبكي ....!!( غايتو ناسنا ديل حنينين جنس حنية )الله يحفظم ياخونحنا الضحك كاتلنا من المنظر ...!!وجعفر مدور كل دقيقة ينادي ليك في ( الهادي )( هدهد ) يا جنينة ....!!وأخيرا وصلنا بسلام ...!!وغني يا خرطوم وغني شدي أوتار المغني ...لقينا ( أنور ) صاحبنا منتظرنا بي بره بالأمجاد حقتو مغسله نضيف ...تسو كدي( أنور ) ذاتو كان مفروض يمشي معانا في الرحلة دي بس أبوهو رجلو اتكسرت اضطرا يقعدالمهم السلامات والبركات واطمأنيتا علي الحاج ...قال ! ( حرق تمام ).وركبنا ليك كلنا جوه معمر قال لي ( أنور )ايه دا يا أبو النور ( القو ) عندكو مش معأووول وحش أوي ....إيه دا )وانفقعنا ليك بالضحك ....!!وقعدنا نغني سلمى يا سلامة رحنا و( قينا ) بالسالاااامة .....بس ( أنور ) قال أسكتو أسكتو وشغل ليك كروان الدبيبة ( سيد خليفة ) والغنا الزي الغناالليله أب كريق عرّش مع البيّـاحتراررمود بيت اللقـا والدنـقر الـنّقـاحفي قلب المحاص والكافت اللفّـاحأركزو يا عيال خلق العيال فضّـاحما شفنا أم دريقه بتكتل التمســاحيازووول والله دايرين نكسر الأمجاد من الصفقة والهز.....فتقمصنا السودان بكل قيمة وجماله والبهاءوتقمصنا هو بكل حبه لنا والفخار ...وان شاءالله ..يجي يوم والناس تجينا وتشوف نيلنا ونخيلنا ..... !! فالنا وعديلنا ..... !! وناسنا ونحاسنا ....!!وكل الجمال ...!!غايتو أبو السيد وكت وصل ( قالو الدود قرقر ) العربية دي اتهزت والنار ولعت ..!!!الصفقة دي فوق ........ والقيامة قايمةوالأمجاد تتسلل في شوارع الخرطوم المتعرجة وشمس صيف حارقة في كبد السماء تكشف عن معدن شعب وتفاصيل أمة .....!!وبلد يحاول الإقلاع ....!!!امحموووووووووووووووود ....!
