يوميات علوب ...164 .....سواقنا زينة
غايتو الليلة ( ود الحاجه ) دا ضحكني ضحك طبعا هو اليومين ديل شغال ( كابتن ) في واحدة من شركات الترحيل دي ...
قال لي قبلتا لي ( اوردل ) ( لاحظو اللام في Order )
أها بحكي لي قال لي مشيت عليهو ...لقيتا ليك
واحده كدا شكلها لئيم شديد ....قلتا ليها السلام عليكم
no answer ....
عنك مارديتي...!! أنا طالب يدك ...!! شوف دي عليك الله ...!! عاينت لي ساعتا وعاينت لي المعني إتاخرتا خمسة دقايق ...!!
( وانتي الخمسة دقايق دايرا تسوي بيهن شنو يا رئيسة كرواتيا ...!! )
قلنا سمح
المهم فتحت الباب وانقشطت وقفلتو ليك وراها
هي الحقيقة رزعتو ماقفلتو .....كووو ...دايرا تقلعو ....واترزعت هي ورا ....أكلناها غايتو في حنانا نعمل شنو أكل العيش ....!!
( لاحظو إنو ( ود الحاجه) دي ماعربتو شايلا من كمال صاحبنا وبتقاسمو القروش ...!!
المهم قال لي دورتا مشيت ...!! ( الشريرة ) دي طلعت ماشا ...الثورة ( الصبعطاشر ) ...المهم ونحن ماشين قلتا ألطف الجو شغلتا ( ترباس ) أغنيه حلوه كدا ....!!
الساعة النطت ليك من هناك قالت لي ....
بس ( بكسر الباء ) ...!! ( ترباس ) دا أصلي مابدورو رافع القزاز ...!! وحفلتو غالية ...عامل عمتو دي
قربنا أقول ليها هو ذاتو ما بدورك .....! إنتي مالك ومال حفلتو وعمتو ....بتكويها ليهو ...!!
طبعا دا النوع السقيل داك العندو راي في اي حاجه
كتااار نوعا دا
يازول طوالي طجيتو قفلتو ...دي ذاتا ما وش طرب ..
بعد شوية موبايلا ضرب.... النغمة كتلتني بالضحك ياعلوب ( سخلة وعندها قحة ) 
🎉🎉. ماعارف ذاتو جابتا من وين ....!! ليك حق تابي ترباس ياعديمة الذوق ...!! أجرو أسمعو الموبايل ( كغغخخوو ) 
😂😂😂
🎉🎉. ماعارف ذاتو جابتا من وين ....!! ليك حق تابي ترباس ياعديمة الذوق ...!! أجرو أسمعو الموبايل ( كغغخخوو ) 😂😂😂
أنا النصيحة لما الزباين ديل يتكلمو في التلفون أصلو ما بركز معاهم ...!! لكن العواليق دي رميت ( طعميتي ) معاها مابكضب ...!! عشان سقالتا دي
قالت ( آلو ) آي ياعوضية إزيك ...!! أنا ياعوضية ما قلتا ليك ( التوب ) دا من محلو سعرو كدا ....!! إنتي لو ما عايزاهو كنتي من الأول ترجعيهو ...يعني ماف داعي كان للجرجرة دي ...!! بس مامشكلة كدي انا بشوف أنصاف رايها شنو ...وبوريك .....!!!
( الظاهر عليها دي شبكة ( تياب )
المهم قفلت منها ....وطبزك طبزك داست موبايلا الجعان دا ضربت لي ( إنصاف ) ....!!
أنا غايتو الصوت الظهر لي في المكالمة التانيه دي
بأمانة كنتا دايرا أفتح باب العربية دا ...!! وافتح أنا ذاتي .......!!! صوت البعاتي ....
دي ( رباطية ) دي ولاشنو ...!!؟
أول حاجه زحت قعدت في النص ( إتسنترت ) عشان تاخد راحتا جاتني في المراية بالمقاس ...! الوش أتحول لي بنية ...
👊 وصوت الرعدا ....!!
👊 وصوت الرعدا ....!!
وقالت كدا دورت ليك
أنا يا أنصاف عوضية الحرامية دي .......!!
( امممممك ) 
😳😳😳 ...دقشتا )
😳😳😳 ...دقشتا )
شايله التوب دا ليها أسبوعين تجي في الاخر تقول لي ماعجبني ...!!وماعجبني دي هسا نصرفا في ياتو صيدلية
أنا متاكدة بتكون لبستو حضرت بيهو تلاته أعراس وسمايتين ....!! دي حركات جديدة دي ولا شنو ....!!! هي الظاهر ما بتعرفني كويس ....عليك الله يا إنصاف عرفيها ...!! وكلميها ...!! ووعيها ...
( إنتهي البيان )
والله انا ( عوضية ) الما شفتها ولا بعرفا دي ...!! يشهد الله شفقنا عليها ...!! التوب يطير ياخ ...غايتو ياعوضية (الغواصة ) دي لو وصلتك بتعوقك .....!!! وحات الله ....
وقفلت ليك منها ولسه تداعيات الزلزال لاتزال مستمرة براااها مدورة ...مع روحا دي وانا أسمع ...
قالت مسخرة ....!!! نساوين فاضية ماعندها شغلا
الواحدة وكت ماعندها بتتشوبر مالا ....اخر الزمن عوضية دايرا تلبسنا الطاقية ...!!
لكن بوريك يا ( المدقلمة) المابتشبهي النسوان اصبري لي بس ...!!!
العربية لمن بقت ترترت ...!!
غايتو بالغتي يا المرا هسا عرفنا إنو ( عوضية ) مدقلمة ...!! في أول صوره تصلنا بالأقمار الاصطناعية عن الضحية .......!!! هسا في داعي للكلام دا لكن ....!!!رغم انو ماعرفتا معني ( مدقلمة ) تحديدا لكن قادر اتخيل...!!
بس ماهو مؤكد إنو أنا رافع لي ( مرفعين )....!!
شويتين كدا ( السخلة ) الشايلاها دي قحت تاني ....!! طوالي ردت .....اهلًا ....اهلًا يا ( محاسن ) كيفكم ...!! أها ( الخلطة ) كيف ان شاءالله ظبطت ...!!
( الكتاحة تستفسر ) ....!!؟؟
انا قلتا ياخ المرا دي إمكن أنا ظلمتها ...!!
باين عليها ( مهندسة) البتطمن علي الخلطات دي
وديك ردت بي شنو كدا ماعارفا ...!!
اها زولتي المعاي دي قالت ليها لا يعني وهسا وشها منفوخ كلو ولا الجضوم بس ...!!
ياساتر 😳😳
😳😳
ديك برضو ردت ماعرفتها قالت شنو ....
وزولتي هنا وضحت ليها قالت ليها
والله ياهو نحنا (الخلطات ) دي بنوزعا لي كل العروسات مافي زول اشتكي منها ...المشكلة بتكون في بتكم دي
الظاهر ديك علي الخط قعدت تكورك ...وزولتي هنا وشها اتغير ...وانفجرت ليك انا ما بهددوني بالبوليس عرفتي ... مادام (بتكم )وشها كعب أسوي ليها شنو ...دا ما شغلي ..وقفلت ...انا. بس فاضل لي ( أرجف ) ياعلوب
قلتا دي مصيبة شنو الركبت معاي دي
الظاهر انو مع التياب برضو شغالة ( مستحضرات تجميل ) ...!!
بس بالسمعتو دا واضح إنها مستحضرات
( تنكيل ) ...
المهم قطعنا الكبري ....أنا بس ربنا توصلنا ....
اها ( السخل ) تاني اشتغل .. والمتصل ( ذكر ) هذه المره .....!!!
قالت ليهو أيوا يا ( الهادي ) الزول دا جاي بكره بي ( فلاي دبي ) زي تسعة كدا...!! لو مافي زول منتظرو واطاتنا أصبحت ....!! معاهو خمسة وعشرين قطعة ...
عليك الله إتصرف ......!!
( يصرفك ) الله إنتي الليلة من. العربية دي 😳😳😳 جابت ليها ( قطع ) كمان....!! ياربي دي تكون ( قطع حربية ) دي ولاشنو ......!!
😳😳😳 جابت ليها ( قطع ) كمان....!! ياربي دي تكون ( قطع حربية ) دي ولاشنو ......!!
والله يا اخوانا أنا قريب دا خشمي دا ما أكلني ...!!
( وشمار ) كدا حرقني ...!! قدر ما داير اعرف ( القطع ) دي شنو الجاية بكره بي ( فلاي دبي ) دي ....
بس ربك رب الخير دا فرجا من فوق ....!!
تلفونا تاني كورك ...ردت قالت ليهو أيوا خلاص انا كلمتا ( الهادي ) قال بتصرف ...!! أنا ذاتي ( الموبايلات ) دي قلبي أباها .....كلو مره يدنا في قلبنا...
( أحمدك يارب الخمسة وعشرين قطعة طلعو ( موبايلات )
بقيت داير أصل بي سرعة أكب الجريمة دي قبل مايظهر لي نشاط جديد .....
لحدي الان ....تياب ..!! وخلطات ...!! وموبايلات ..
غايتو الحكومة ذاتا لو ركزت علي هذه القطاعات الاستراتيجية كان مرقتنا من الحالة النحنا فيها دي ....
هسا بس المهم الله يمرقنا من ( حاملة الصواريخ ) دي ...يازووول انا بقيت اتضاير ...!! خلصت تلفوناتا دي بعد دا عااادي ممكن تتفرغ لي ..شايفا ليك في المرايا ( تتكرش ) وتتلفت دايرا ليها موضوع ....!!
والوش عيني ليهو ( بطنو طمت شديد ....) لاويه ( الخشم ) لما مؤثر علي حركة ( النخرة ) فوق ...!! بقت شايلة شمال أكتر .....
وانا بقيت اقرا في ( أية الكرسي)
بس قبلت ليك علي....!! ( يالرسول )
قالت لي هيي ها .....!! 😳😳 كدي النسألك ....!!
😳😳 كدي النسألك ....!!
هسا في داعي لي ( هييي ها ) دي ...😳😳
😳😳
يعني عادي بعد شوية ممكن تقول لي هيي ها ...!! الدلاهة دا .....!!!
أكلتها في اللباد غايتو ....
قلتا ليها اسألي .....!!! ( يسألك نكير )
( بي قلبي طبعا )
قالت لي ..هسا ( السجم ) دا بدخل ليكم كويس
....!! ( السجم ) دا العربية السايقا دي ....!!
يسوقوك سجن ( شالا ) شحدتا ربي ...!! وكونكشن ( كوبر ) .....!!
اتجاوزتا ( السجم ) دي لدواعي أمنية ...!!
قلتا ليها والله الحمد لله رضا .....!!
قالت لي والله كويس ... اخير ليكم بدل( العطالة )الإنتو فيها دي
لا لا كدا كترتا ( الولية ) دي صاح ...!!
بس قبلتا ليك عليها ..!!قلتا ليها لو سمحتي مافي داعي
للإساءة....!! شنو ( العطالة ) والكلمات المافي محلتا دي وعلّيت ليك صوتي حبة كدا ....!!
بس اخدت ليها صنة كدا ..!! انت قلتا الحمد لله قمعنا الثورة ....!!
وقال كدا ( البرشوت ) فتح ...وجاتني نازلة ...!!
قالت لي خوفتني لكن ...!! 😳 لا بالله تعال انزل دقني عليك الله .....!! 
😓اقول ليك حاجة ...!! اديني كف ..
🖐لا بالجد اديني كف 🖐 وبدت تصفق ....
👏 👏👏وتردح ...
👌
🤟
😳 لا بالله تعال انزل دقني عليك الله .....!! 😓اقول ليك حاجة ...!! اديني كف ..🖐لا بالجد اديني كف 🖐 وبدت تصفق ....👏 👏👏وتردح ...👌🤟
انا قلتا ياود الحاجه دي أكيد خطة المرا دي دايرا ليها مشكله تزوغ بيها من الدفع ...فشنووو أكسر الحنك ...!! وكبر اللفة .....!! وعدي القصة الحزينة دي أكتل ليها الدش دا في يدها ...
قلتا ليها خلاص يابت العم ماف داعي ...!! لحدي هنا نحنا كويسين ...!!!
قالت لي عمي ( كباسا )
(انتو ...( كباسا ) دا منو !!!؟؟؟ ) طواااااالي بظهر
المهم قالت لي لا ما كويس ولا حاجه ...كويس كيف يعني ...!!! إنتا واحد قليل أدب 😳😳
😳😳
وانا ما حاخليك ....!! وحاكلم المشغلنك ديل .....وتعريفه واحده مافي .....!!
بسس القصة وضحت شديد....!! دي مرا ماعندها ( فرامل ) ...!!
انا اتلعبتا ... ولا بد من تصرف سريع ....!!
قلتا ليها خير ...مافي اي عوجه امشي كلميهم ....لكن أنا رقمك معاي .....الليلة حأعمل ليك دعاية مجانية في ( الفيس )
اول حاجه حاكتب عند أخوانا ناس ( وصف لي ) ....ديل عشان يوصفو لينا بيت ناس ( عوضية ) ولا يتاقو لي واحدة من بناتا ....!! اقول ليهم عوضية الشاالت التوب من ست الرقم دا .....****0122567
وانزل رقمك المميز دا ......
عليك الله مامفروض تدفعي لي للدعاية المجانية دي
وهدية من عندنا ...بوست تاني ( عند ) ...ناس احترس ...ديل تخصص ( كشات ) ...!! يشوفو معانا موضوع الموبايلات الجايه بي ( فلاي دبي ) دي طيارة بكره ....!!
بس سؤال عليك الله ...!!؟ هي الطيارة تسعة مساء ولا صباح ....!! اقول ليك حاجة ما مشكلة بنراجع الإستعلامات ...!! ان شاءالله بس ماتتاخر ....والقطع تصل بالسلامة ....
( الهادي ) ذاتو ما بنحتاج ليهو ....برّأنا بنمشي المطار
اها بعد دا ممكن تنزلي كتر خيرك وتمشي طوالي
عليك الله الحساب مدفوع الحالة وااااحدة
بالمناسبة عشان ما انسي انت ناس السموم والصيدلة عندهم خبر بخلطات الإسمنت البتعمليها دي ....ولا نكلمن ليك ...!!
والله اخوانا المره دي لما وحلت بقت ماقادرة تنزل ....!!😓😓 تجر رجل التانية تابي ...!! تجر التانية ديك تحرد ...!!
😓😓 تجر رجل التانية تابي ...!! تجر التانية ديك تحرد ...!!
وتشيل وتبلغ في ريقا ...والدنيا دي مسخت ليها تب
ماقلتي .....راستا ...وست القهوة ...وست الشي
بس ضحكت ضحكة المغسة ديك ....!! قالت لي لكن
بالغتا غايتو لقيتك ما تستحمل الهزار .....
البشوف ( الملامة) .....!!!( يقول ود خالتا )
قالت لي معقولة لكن في زول بياكل حق الناس ...يا سيد الناس ....
قلتا ليها والله سيد الناس ....!! سيد الدكان...سيد العربية الليله مابحلك ...!! بس يا ( علوب ) بصراحة وكت قالت لي ( سيد الناس ) دي قلبي دا لما فراني ...! وقال شححح ...!! حسّيت ليك روحي عريس شايلني فوق ولافين بي ...وبغنو لي جناي البريدو .....
اها ياعلوب الترلا دي ....دفعت القروش علي داير المليم
لا ودايرا تديني مية جنيه زيادة ( قفل خشم ) 
😜
😜
رجعتهم ليها قلتا ليها نحن مابنشيل حق الناس ....
بس عليك الله ( عوضية ) ما تضايقيها شديد ( والموبايلات ) كان إتحلت بالسلامة شيلي ليك واحد بدل ( العتوت ) السارحة بيهو ده ....!!
تاني ضحكت المره دي داير تدمع ....!! ضحكة حامضة شديد ....دا ياهو الضحك في بين البكا .....!!!
طبعا المرا دي الإسم الظهر لي بالنمبر بوك ( وجدان ) لكن مستحيل طبعا يكون اسما ( وجدان )
دي ممكن تكون ( أطنان ) ( بركان ) ( دكان ) حاجه زي دي .....!! قلتا اديها الضربة الاخيرة ....اتذكرتا لما قالت لي انتا واحد قليل أدب ( حرقتني شديد ) ....
قلتا ليها بالمناسبة اكيد ( وجدان ) دا ما اسمك ..!!؟ قالت لي مالو الأسامي كمان شفروها ....!!!
قلتا ليها وجدان دا اسم شباب وانت ما شاءالله عليك شكلك ( معتتة ) شديد ....
( خلاااااااص انتهي الوقت ...!!وانتهي كل شي الكاااااس فرنسي ....!! هدف قاتل في دقيقة قاتلة .....اوووووووووو شوف شوف شوف الإعادة ......في مقص المرمي ...ماتنصد قوووووووووووون )
انا ذاتي اتبسطتا .....!!
الأخيرة دي جابت ليها الدوشة .....فتحت البابين عشان تنزل بس ....!! مع السلامة ما قالتا لي
دورتا عايز استعدل جاني إشعار جديد ....بعد ما داير أقبلو خليتو ....قلتا النمشي نبخر العربية من ( الكاهنة ) دي
ومسكتا ليك الشارع وشغلتا ليك ( ترباس )
وطبيعة الدنيا ذي الموج تشيل وتودي .....ماتهتموا للايام ( جات في وكتها )
قربتا أقول لي داك ( الموج ) ياترباس بس الكانت معانا دي زلزال سبعة ريختر ...
ياربي ترباس دا ما حافظ النقدو الطير
نهديها للكنداكة اقصد ( الكراكة ) دي ....!!
ينقدك ( الديك ) النقد ( كرواتيا ) ....شحدتا ربي
قال وجدان قال ....!!!
طلع اسما ( أم رطل ) المعفنة
ياربي ( الهادي ) بكون طلع الموبايلات .....!!!!!