يوميات علوب ....105 ....عرس (فضوي ) اول الشهر
انا مما اشوف صبري ده ماشي وجاي مخيت الحلة دي بعرف في حاجه...!!! ( صبري الفقري طبعا مافي داعي للتعريف ) اها اصلو مابلف كده ساكت ...!!! قلتا ليهو انتا الليله في شنو ياصبري لافي بتتحاوم كده...!!!
قال لي كايس ( باركنغ ) ...!!! (هو كمان السقاله بفتش ليها ..!! حقتو )انتا ياعلوب المشي منعو في الحله ضي ولا شنو ...!!؟؟ قلتا لي ابدا ان شاءالله مشيه ماتقيف منها دي حسنتي داير أساعدك لو في حاجه ...!!! اصلك فقر ونقر ...قال لي ...(تصاعدني في شنو يعني بكون داير لظا ...) يلذوك في النار ياسنيح يافقر ...!!! قال لي انتا ماعارفني انا صبري الفقري ...!!! بس مابنوم بضري ...!!! (تنوم السهر انتا...!!!! لكن برضو مااداير أفكو ساكت ...!! صبري ده ماااابلف براهو ...قلبي ماكلني ...!! قلتا ليهو انتا ماسيدا ياخ ومقددا ....!! (قلتا ارفع معنوياتو شويه كان يديني الزيت ..) ولا عبرني بي تعليق ...!! (مافي حل غير الجوكر ) ... قلتا لي كدي تعال نشرب لينا قزازة بيبسي مع سندوتش طحنيه .عند عمك ( يس ) ده ..(لمن مطق المعفن ...!!! ) زولي وبعرفو ،..قلتا ادردقو كان يفك اخرو ...فعلا عمك ( يس ) فتح ديك يالعيشه البلديه الحاااره ... وكبو فيها الطحنيه ستفوها ستيف ..!! وقزازة الببسي البااارده ...وصبري عيونو راحت ...!!! يمدغ ويمعط ...!!! اها خلاص كمان دايرين الخبر يعني حانتظرو يهضم ...!!! قلتا ليهو في شنو في الحله ...!! (الطحنيه اشتغلت .....!!! ) طوالي كبا الزيت ...قال لي ...فضوي خطبوها ...!!! الله لاكسبك ...انا من قبيل حاسي ....!!! فدوي دي اخت سماح الطياره الكان عرسوها ديك
(اها خلاص طياره تاني قامت ...!!! )
خساره فادحه (فدوي ) دي كمان...!!! البت دي غير انو أحسن نص في السودان ...اذا عاينت ليك كده لازم من غير ماتشعر تتشهد وتستغفر.....!! لانو عيونا مزيج من عيون الريل والمها والعيون قدر الفناجيل والناعسات عيوني ...!! والله جد ...عيون اصلو مامعقوله ...!!! البنات بتفرجن فيها ..،!!! الميزة التانيه كان لاقتك لازم تبتسم ...!!! ان شاءالله لو ناشلين ماهيتك ...!! وسرقو شبشبك في الجامع ...برضو تبتسم ....!!! حكمة كده بس .....!!! مش بقول ليك الطرفو باسم ...بس ياها فدوي دي .....ياسلااام زول جميل فات ...!!!
قربتا اقلع منو الطحنيه اصلو غير الاخبار دي ماعندو ...!! بس كمان انا محتاج لي إفادات تانيه ...!!! اها عملتا نفسي رايح ...!! قلتا ليهو والله تمام مبروك عليها ..!!! اخدتا لي صنه كده يعني الود الموضوع ماقاريهو .....!!! وانا بي جوه طابعو طباعة ...!!! قلتا ليهو اها بس مايكون ذي سماح كمان
جابتو بي اولادو ...!!! لم يتاخر صبري كثيرا ...قال لي كطلتو
كطل ...!!! بس اياهو ظااتو...!! (ضه كمان عنضو مرطين ...!!! يعني فضوي حتكون الطالتا ...) (تلاته كلاب ياصبري يلمو فيك في زقاق ضيق مايفضلو فيك الحبه ...!! ياسقيل يابارد
...!!
ياخوانا نحنا نعمل مظاهره في الحلة دي ولا نحرق اللساتك ولا نعمل شنو بس قولو لي ......
الرجال ديل عرسو ليهم أربعين سنه ...يجو تاني يلقطو البنات الصغار ديل معقوله بس ...لا وكمان فدوي ...!! مالقي غير فدوي ...!! دي شنو الانانيه دي ...!! ينعل ابو القروش ذاتا ....!!!
قال لي (البصمعك يقول يقول كنطا ماشي تخطبا بكرا ...) ..!!
والله عشان الصندويشت ده ..اقول النصيحة والله ولا خطبوها ولا شطين ....ياعلوبه ...ضي كضبة ابريل .....) ....الرياله ياصبري الماتقيف منك ...!!!
عليك الله شوف ابريل وهملتو البكضب بيهو صبري ....
لكن صدقو ارتحتا ،...ااااااه الحمد لله فدوي لِسَّه عايشه .....