يوميات علوب ..107 ....أحسن .!!؟؟؟
غايتو الليله بس يوم الفرجه والفريج ....!! جاتنا واحده مع موده ( عصعوص ) لي مشاعر ... ..لاقيتم في خشم الباب وهم خاشين ...موده رمت علي السلام ...!!! وييين ياعلوب كيفك ....!! وقدمتني لي صاحبتا دي قالت ليها ده علوب اخو مشاعر ....!!! هسه الكلام ده فيهو حاجه ....!!! البت دي يازول
نفسا قام ....!! وكتلت صوتا ده رقدتو في الواطا دي ...!!!! قالت لي موده ....أصوووو مااا بسدق ..!!!؟ (لاحظو اصو دي يعني اصلو )...!! ( النبي فيك كان ماصدقتي ....!!! ) دي مالا دي ...ملاريا ولاشنو ...!!!! ....خير ان شاءالله......!!! قالت ليها اخوها ( توالي) ...!!؟؟؟ ) قلتا ليها سدقي ما توالي توالي ..!!! بالرداعة وكدا ....!!! ) ...!! هياااا اهلنا ودي مصيبة شنو كمان الجاتنا دي ....!! نحنا ماصدقتا استوعبنا (عصعوص) بكل تداعياتا وإشكالاتا البنيويه والهيكلية تطلع لينا ....(اصوو ) دي .....!!
المهم غايتو انا سكتا بلعتا الكلام ده كلو وداير اتخارج
قلتا من باب اللطافه والذوق والجماعه ضيوف في بيتنا
نشبرقا شويه ...!!! قلتا ليها فرصه سعيده والله... اتفضلو ....!! طوالي نطت لي في حلقي ....!!!
(نحنا بردو مبسوتيين شديد ...!! شديد ....!!! ) اها انا شديد التانيه دي بتدمرني ...!!!
البت دي داخلا ليها في خلعا...!! ولا نقص في الحديد ولا الحاصل شنو ..!!! في شنو هو ذاتو .....!!! الليله والله لو السواق واقف بره مشحوط ...!!! والبرادو مدوره ماهاميها البنزين ...!! كنا نقول ....!! تأثير البيئة والظروف ....!!
ولو كمان شايلا ليها كلب ولا كديسه في يدها ولا جاراهم حتي ...!! كنا قلنا ماااامشكلة.....دي تربية بلاد برا وتأثير التيارات الثقافية والعولمة والكلام دا ...!! ومصيرا تتعدل ....!!! لكن بالنسبة لللبسة المكرفسه بالجنبه ....!! والشعرات الطايرات ....والكتاحه في الرجلين....!!! المسالة دايرا بحث ....!! لا والاوادم جايات متقاودات بي (ركشه ) ...!!! وكواريك مع بتاع الركشه في اتنين جنيه ونص دايرين يدقو ...!! صوتم جانا جوه ....!!!
نقعد في اصوو ...!! ومبسوووته شديد ...!! تبرم في خشما ...!!! لا والبت دي مع كل كلمة ...!!! في كم رمشه كدا في العين....!!!! ياربي يكون ( رمد ) ....!!!
بعد ده كلو قلنا ليها نحن بالاكتر ...مش خلاص تسقف علي كدا ابدا وحاتكم ....الظاهر هي الليله كايسا ليها زول تستعرض وتتفشي فيهو ....!!! قالت لكن غايتو الليله الجو بشذ عديل كدا (حرااااره )مبالغ فيها .... !!! هيااا الحراره ...!! ركزو علي (الرا ) في حرااااره...!!! والجيم في الجو ...دايرا تطرشق ......!!! عطشتا كتلتا كتل ...!!! والله انتي البالغتي ماالجو ....!!!
انا قلتا الليله البت دي لازم أصل نهايتا .... قلتا ليه يعني الجوو امبارح كان فيهو (جليد ) ولاشنو ...!! ماكل يوم ياها السخانه دي ...!! انتي كنت عايشا ( برا ) ولا شنو ...!!؟
اها برا دي جهجهتا شويه ....( البت دي بكون حدها الحوش ) ...!!! قالت لي ..لا ..!! بس ماقاعدا (اتلع) اليومين ديل ....!!!! اووووووبا ....جابت ليها( تلوع ) ...!!! والله الا كان تطلعي الشجره ...!!! (معاطه انتي ياخ) ...!!! يا اخوانا مافي بسطونه سنينه كدا ...!!
!!! قلتا ليها الظاهر البيت تكييف شديد ....!! شكلو مركزي ...!! اها هنا نطت موده الله يديها العافية قالت لي تكييف شنو ياعلوب ...!!! والله ناس (بحرية ) ديل عندهم مكيف الله لا وراك... تدي قش يقطع مويه....!! تدي مويه ياكل قش ....(حمار ) بس ...!!! وفقعتا ضحكه ....!! انا غايتو داير ادردق ...!! هياااا اخوانا هسه ....!!!! اصووو ..!!! ومبسوته ..والحراااره ....وتلوع ونزول ...ده كلو ...!! الاسم (بحريه ...) والمكيف (حمار ) زحو لي ...زحو لي ...!!! داير أتفنقل من الضحك ....!!!
😂😂😂😂
😂😂😂😂
الله يجازيك ياعصعصة غايتو غبتي وجبتي ...!!! وعقابا علي هذه التصريحات غايتو ( عصعوص ) اخدت ليها قرصة من (بحريه ) دي ....انا متاكد جابت دم ...!!
اها انا عملتا رايح ..!! كأني ماشفتا حاجه رغم انو (عصعوص ) عروقا اتشحطو ...انت وكت بتقرصي قدر ده يابحرية ...الحراااره...لزوما شنو انت مفروض تقولي ...(نار منقد ....!!! ) ماعندك اي حل تاني ...!!! قلتا ليها فعلا الجو مسخن اليومين ديل ....!!! مش مفروض تتكتم ...!!! اها تاني دخلت في الشخصية ...!! ( لا لا ده ماشغل ملاريا ...!!! ده بكون كساح ) ....!!!!
قالت المشكله مافي الحراااره .....!!
(اها المشكله وين يا ام اضنين ...!!! ) ....!!!
قالت المشكله في (التلعات) النهاريه دي ...!!! ( تطلعي محل طلع جدي ...!!! عارفا طلع وين.!!؟؟ )
قلتا ليها لزوما شنو (التلعات ) النهاريه دي انتي ( سوخوي ) ماتطلعلي لما الواطه تبرد...!!!
بس جات (الشقيقة ) مشاعر تمت الناقصة.....!! بتكيفني مرات اختي دي ...!!! معلمه ياخ ...!!! قالت ليها وييين يابحرية
قالو لي (سعد قشره ) نفضتي نفيض عدمتي الحبه ماخليتي ليك حاجه ...!! لافه ليك تلاته يوم بي هناك في الحرايه دي ...خبرك معانا ...!!!
( أحمدك ياربي اتاري (السخوي ) قصفت (سعد قشره ) ..!! عاينتا كدااا .. قلتا ليهم اها انا بعد دا استأذن بطني بردت فرصه سعيده يابحرية...!!! قربتا اقول ليها ( قرصة سعيدة) نطت طوالي قالت لي انا اسمي (بحور ) بس موده (الجزمة ) دي بتقول لي بحرية ....!!
واستدركت (بحريه ) انها لم (تستخير ) في موضوع (الجزمه ) ده ...!!! غايتو جيم ( الجزمة ) دي مش كان عطشتيها الليله كان عدمتيها الرباط ...!!! مابتحلك ...( خرجت ولن تعود ) ...!!! جزمة واتملت طين ....!!!
عليك الله يابحرية خليك طبيعية...!!! قومتي نفسك ونفسنا ...!!
اها وكت لقتا باظت قالت اخير النهردما ...!!! قالت لي ...علوب عليك الله نحن الليله مقيلين مع مشاعر دي وانا مشتهيه لي نبق ودوم كان قدرتا جيبن لينا معاك ...!! يوزززززع ...!!! ايووووه كداااا ريحتيني في حناني ....!!! (شوفي المقيلة دي وحلاتا ...!!! ) ...ليك علي يابحريه نبق ودوم وقتقليز كمان ....!!!
تكدي ( الدوم ) ده لمن عيونك الصغار ديل يغمتن ...!! بدل تشيلي وترمشي كدا ذي ديك (حبصه)....!!!
(مبسووووووت ) منك يابحريه .... انت مش انت وانت جعان ...خد لك (دومه ) ...!!! احسن !!!؟؟
ابصم بالعشرة انك احسن .....!!! النبق ...!!النبق ....!! النبق ...!!! تاني بتجي ...!! بحريييييه يا ....!!