يوميات علوب ...108 .....!! البازار
لقيت ليك (ود الحاجه ) ده زهجان واقف (زمباره ) قلتا ليهو في شنو ياحجوج ..!! مالك بارما كدا ...!!؟ قال لي معقوله ياعلوب ياخ ..!!انا (ود الحاجه ) سيد الشي كلو ...!!! تجي مرت عمك حاج التوم دي تقول (ود الحاجه ) ده مفروض يحظرو من الحلة بقي يشرب ....!!تحظرني أنا ...!!عليك الله شوف المرا دي وحقارتا انا والله و انتا عارفني انا ذاتو (النواشف ) دي بلاوذ منها عديييل كدا ....!!!!
هو نحنا (السوايل ) ذاتا هسه قللنا منها شديد ودايرين نبطلا
راجين كوتتنا دي قربت تخلص ...!! ورمضان ذاتو داخل علينا ..!!! بالله تجي الوليه دي تلبسنا ليها كدا ...!!!
قلتا ليهو والله ماليها حق وانا ما حأخليها ...!!! انا حأكلم عمك (التوم ) يتكلم مع مرتو دي ...!! ود الحاجه ضحك لما انتكي قال لي ياعلوب مع الاعتذار ياخ ....!!! اول حاجه عمك حاج التوم ده راجل (فارا) ساكت...!!! ( شوف مع الاعتذار دي ذاتا كيف ...!!! ما اتوقعتها منك ياود الحاجه ...!!! كبير والله ) .....(مع الاعتذار وفارا ..!!!!!؟؟ ) (سيبويه ) لم يستطع الجمع بين الاثنين....!!! وفعلها ود الحاجه ...!!! اعجبني التوصيف علي مرارته ...!!!
قلتا ليهو كيف الكلام ده ...!! قال لي والله ذي مابقول ليك ..!! دي الحقيقة ...!!! أكضب عليك ....!!؟؟
ياخ مرتو دي بترسلو الدكان ذي الشافع الصغير .....!! حرررم (كلبن ) ده اهما منو في البيت ...!! (ده كلام شنو ده ....!!!)
(النصيحه كلبن شخصية ....) ...!!! غايتو وكت يقولو ليك (كلب ) ناس حاج التوم.....!!! الكلام انتهي ...!! هو ذاتو حاسي بالقصة دي ...!!! المشية ذاتا بي ثقة كدا .....!!! (انا بقصدالكلب طبعا.....!!! )
وود الحاجه يواصل تفنيد ادعاءه علي حاج التوم انو ( فارا ) (وداقسا ) ...كمان علي حد وصفه ...!!! قال لي يوم عرس ناس إيمان ماقربت تفكو بالصحن .....!!!؟؟ عليك الله ياعلوب ماتخلينا نطلع الكروت البايظه دي ساكت ....!!!
انتا بس كان داير تخدمني قول ليها (ودالحاجه ) ...وصلو الكلام ...!! وهو غضبان غضب شديد ( غضبان ياملك الروم ) علي الكلام القلتيهو عنو ...!! لكن هو رغم كدا محترم العشره وناس الحلة..... وماحيكلم (اولاد ماما) ....!!!؟! بس انتا قول ليها كدا ...هي بتعرف ....!!! ( ده كلو عرفنا ( اولاد ماما ) ديل منن كمان ....!!؟؟ ) بس قبلتا ليك عليهو ...!!! قلتا ليهو شنو ..!!؟ شنو ،،!!؟؟ شنو ،!!؟؟ انتا ياود الحاجه شايفني واقف قدامك طرطور...!!!؟ انا زول طويل عريض كدا اشيل لي كلام انا ذاتي مافاهمو ..!! اوديهو كمان .....!!! واضح انك اخدتا علي اكتر من اللازم...!! وما احترمتني ابدا ...!!! لكن ياود الحاجه انا الغلطان ما انتا ....!!! (طبعا ود الحاجه ده زول حساس خلاص ) ...!!! يازووول داير يقع في الواطا دي ...!!! قال لي العفو (اااعلوب ) ....هو مابقول (ياعلوب ) بقولا كدا ...(اااعلوب ...) (حلوه حلا عندو) ..!! يخلوها لي ....!!!
قال لي ياخ معقوله ياخ تقول كلام ذي دا...!!! انت عارف مكانتك وانا بقدرك كيف يا أصلي ...!! وكل الحلة دي بتقدرك ....!!! انا بس (وديني وإيماني ) ماداير أزعجك بي الرصه دي .....!!! قلتا ليهو انا دايرا ..!! (اولاد ماما) ديل يطلعو شنو ...!!؟؟ قعد بتلفت يمين شمال نقص صوتو حبه كدا ..!!! قال لي بس ياعلوب ياخ الكلام ده بيني وبينك ياخ .....!!! قلتا ليهو جدا ...!!! تاني قعد يتلفت ...!! ياعلوب ياخ الكلام ده سر لمن بهناك....!!! قلتا ليهو حاااااضر ياود الحجه ....!!! تاني رجع لي علوب ياخ ....!!؟ بس هجتا ليك فيهو ...!!! قلتا ليهو خلاص خلاص ياود الحاجه ما داير أسمعو خالص ..!!! انا ذاتي غلطان الواقف معاك انتا فاكرني شافع صغير ولاشنو .....!!!؟ قلتا ليهو اصلك ماسك عليها شنو (مرا ) قدر دي بترقص يعني ولا بتغني ....!!!؟ ( طبعا انا قلتها ساكت كدا لاستبعاد الاحتمال اصلا ....!!! ) صدقو ود الحاجه نطط عيونو 
😳 قال لي لا حولاااا ده شنو ياعلوب انتو برضو عارف ....!!!
😳 قال لي لا حولاااا ده شنو ياعلوب انتو برضو عارف ....!!!
انا بيني وبينكم اتهجمتا كدا ....!!! عارف شنو ياربي ...!!! ( فيفي عبدو ) دي فعلا بترقص وتغني ولا شنو ....!!؟
انا ذاتي استغربتا.....!!! قلتا ليهو عارف شنو ...!!؟؟
طبعا لِسَّه مستبعد حكاية الغنا والرقيص دي نهائي ....!!!
هل بتصدقو انو فعلا (مرت حاج التوم ) طلعت بترقص وتغني ....!!!!
(اللهم لانطلبك رد القضاء ولكن اللطف فيه .......) ...!!!
................😳
💃🏻
😳💃🏻
................
...............😳💃🏻
😳💃🏻
الحاصل كما ورد علي لسان ودالحاجه ...!!! انو قبل فتره النسوان ديل كانن عاملاتن ليهن ( ظار ) كتامي كدا ....!! اها ود الحاجه هو المشي بالرقشه جاب عدة (الظار ) دي .....!!! وجزء من نسوان الحلة المحترمات ديل كانن جوه .....!!! وفي واحد من (فريق العمل ) صور ليهو لقطة من (قلب ) الحدث
ولا ( مرارتو ) ....ماعارف ..!!؟؟ 
😜 المهم رسلا لي ود الحاجه ...اها ده وراني ليها ...!!!
😜 المهم رسلا لي ود الحاجه ...اها ده وراني ليها ...!!!
اشوف ليك مرت عمك حاج التوم المابتغباني بي شحما ولحما لابسه ليها طاقية كابوي ...!! وتفنجط ...!!!! في منظر تاريخي يندي له الجبين ....!! داخله في شخصية (شوارزنجر ...!! ) فضل ليها الحصان والطبنجه .....!!! لا ومعاها مؤثرات صوتيه ....!! إنجليزي مكسر كدا بقايا استعمار ...!!! وشوية حبشي .....!!!
ده كلام صعب....!!! والله وكت تقول ليك بي دستووووركم ....انا قايله هناية ديك .....!!! غايتو انا ود الحاجه بوريني في المقطع ده وانا بين الدهشة (والغشيان ) مسافة قريبة يا إنسان ...!!! ماعرفتا اضحك ولا أبكي ...!! لا وشايف ليك (سنية ) بي وراها (ترفس ) بس (شاكيرا ) ...!!! هيااا ياجماعة ...!!! اووووو (امونه ) كمان ظهرت طبعا دي ست القهوة داخله في شخصية (اللولية ) لابسا ليها قرمصيص ومفرجخه في الواطا ....تتهوزز....!!دي بتكون قالت وكت مافي رقيص عروس ...احسن تكبو هنا ...ماهي (امونه ) دي ذاتا هي صاحبة المقولة الشهيرة ...!!! شابكننا العرس العرس ...!!! العرس شنو كمان...!!! ( ما جرتق ورقيص عروس ) ....( وكل قرد يطّلع شدرتو ...يعوس ...!! ) اها الاتنين الأوائل ديل قرضتن هنا .....!!! باقي ليها الشجره ..!!!
غايتو النساوين ديل زهجتن كلها فكنها في (البازار ) ده ....!!! انا غايتو لقطة سنية دي بتنفعني بحتاجا يوم في تبادل اسري ...!!
لكن الحدث الابرز في المقطع ده انو ديك حبصة المابغباني ظهر
( أحححمدك يارب ) ....!!!
....!!! ياهو ذاتو بي صفاتو ....!!! الصوف المزعط والرقبة والخلقة ....!!! قادل بين النسوان ....!! يشيل ويتفرج ...!!! انا من زمان شاكي انو (جاسوس( ...!!! ان شاءالله بس مايكون ضبحو ...!!
هسه ياخوانا ودالحاجه ده ماشايل ليهو لغم وحايم ...!!! قال لي بس عشان تعرف نحنا عندنا اخلاق كيف ...!!! صدق انا مشيت للزول ده مسحتا المقطع ده من تلفونو وقربتا اضاربو ...!! تجي مرت عمك تطلعنا (مساطيل) ....ااااعلوب ...الكلام ده بجي ....!!! قلتا لي ده من اصلك ياود الحجه واعتبر الموضوع ده انتهي ...!! انتا دايما مظلوم ....!!! طوالي غنا لي (ظلموني الحبايب وقالو لي انسي .....!!! ) قلتا ليهو المره دي ماحتنسي ....!! انا حاوريها اللقطة دي وأقول ليها هسه أمانة في ذمتك البضرب منو ....!!؟ انتي ولا ود الحاجه ...!!؟؟
يمين الزول ده في محلتو ديك جرا لي (القطر صفر) دي لما صفقتا ...!!! كيفني في حناني....!! ( اصلي كيف ) ...!!! قلتا ليهو يعفو ويرضو .....!!! ( هو طبعا لذيذ خلاص) طوالي ردا لي .....!!! دستوووور...!! كلو طيب ...
( كلب ) ناس حاج التوم يشيل ويعاين لينا ...!!! ياربي بكون برضو عارف الموضوع .....!! ؟؟؟؟