يوميات علوب ...112 ....دقيت ليهو ماردا ...
ناس ( الخزين ) جاهم حرامي ...لقط الموبايلات الفي البيت كلها ماخلي ليهو موبايل حايم......!! متجدعين في الحوش نايمين
والموبايلات في حفلة رضاعة جماعية تشحن ....!! اها جا الحرامي استلم الشحنة كلها ...!!! ومن شدة ماشبع.... جدع ليهم واحد جنب الباب ....!! لقاهو نوكيا ...!!! وواحد تاني اظنو شاشتو مكسورة ...!!!
طبعا ناس (الخزين ) ديل أهل صبري ( صبري الفقري ) المشكلة هسه بقت مافي الموبايلات المشكلة انو (صبري ) قال موبايلو ده لو الحرامي نشر الفيهو ده ....!!! الحلة دي حتتشلع ......!!
تحذير اخطر من رئيس (كوريا الشمالية ...!!! ) تم اخذه علي محمل الجد ...!! والحلة دي كلها واقفا (تتك ) وقلبا بدق ...!! وتصدرت سرقة ناس ( الخزين ) الأخبار وغطي الخبر علي كل ماسواه من احداث ....!! وتراجع خبر زواج عمك الطاهر بالدس وقبضتو بالصدفة....!!! الي المرتبة التانية .....!!!
طبعا حلتنا دي كل اسبوع فيها ال TOP 5 ..
(سنية وامونة ) بس ( رونالدو وميسي ) لازم يكونن مغزوزات في حدث حدثين ....اقلا حاجه ...
نرجع لي سرقة القرن ...!!! يازووول اي واحد في الحلة بقي متمني مقابلة حصرية مع (صبري) كان يطّلع ليهوٌ بي تصريح تصريحَين عن فحوي (الصور ) التي تم الاستيلاء عليها من قبل مجهول .....!! وهو طبعا حاسي ليك بالعظمة...!! مشيتو ذاتا اتغيرت ...!!! بس لميت ليك فيهو في زقاق....!!! وهو طبعا مابقدر يعمل حركاتو دي معاي ...قلتا لي شنو يا سلطان زمانك ...!! شنو قصة الصور الطالقا في الحلة دي ....!!! انتا قايلا دي حاجه كويسه يعني....!!؟؟ دي ببساطة معناها انك زول سيئ وبتتجسس علي الناس ...!!!
قال لي ....!! خلااااص طوالي كضا عملطونا (تجصص )
و بالمناسبة قلتا لي .... الناس دي كلها مستاءة من تصريحاتك وكلامك ده .....!!
قال لي ...!!! مصتاءة لي شنو ...!! قول يضها في قلبا انو الحرامي ًماينشر (الغصيل) ضا ....!!! قلتا ليهو انتا وكت عارفو (غسيل ) شاريهو في موبايلك لي شنو .....!!!؟
قال لي عللوب ....!! ( لحظة صمت ) .....!!! تاني (عللوب ..) تلتها ( لحظة صمت اخري ) .....!!! وعلوب مرتين مع فاصل إعلاني دي يعني الموضوع مهم ....
قلتا لي نعم....!!! قال لي صلي علي (الرصول )...!!!
....قلتا ليهو عليه الصلاة والسلام .....!!! ( بقولو الرسول ) ولا قال لي انتا بتقول في شنو ...!! شات طوالي ...قال لي انطا قايل الصور (ضي ) يعني انا الصورتها ولاشنو .....!!! قلتا ليهو ...(ولا شنو ...!!! ) ...ياخ حتي ولو الصور( ضي ) ...!! بِسْم الله ( دي ) ....( االله ينعلك كان عاديتنا )....!! قلتا ليهو حتي لو الصور( دي ) انتا ماصورتها...!!! السؤال ....!!؟ شنو الجابا في موبايلك ....!!؟
قال لي كان قلتا ليك... بطكلم ...!!؟
قلتا ليهو مابكلم...!! قول ...!!..،.قال لي احلف ...!!؟ قلتا ليهو وحاتك انتا ...!! قال لي ...كضا..... يا ضااااب ..ما بضينا الكظب والخياناط ...!! من مطين (حياطي )دي غالية عنضك ...!! قلتا ليهو في دي صدقتا ...كلامك صاح ...!!! اها وحات البينا ...!! قال لي اخير (حياطي ...!!! ) ...ياخ للضمان قول (وحاط ) الله ...!!! قلتا لي وحات الله ...!! قال لي كضا ضمنطك ...!! اها ياعلوب أكان كضا النكلمك ونحضصك ....!!
انا (طلفوني ) ضه أصلو ما (طلفوني ....!! ) 
😳. قلتا ليهو اهاااا ...!!! قمنا لي اللولوه والحركات والكلام الفارغ.... شنو يعني الكلام ده ..!! بس نفخ ليك جضومو قال لي اها النقول ليك قوله ....!!! ياخ ابيييط ...!! مابكلمك ظااتو ....!!! انطا ماداير تظبر ...!! ( اللهم طولك ياروووح لقيت فرصتك فيني اللليله يالمبري ...!! قلتا ليهو خلاص معليش قول ...!!!
😳. قلتا ليهو اهاااا ...!!! قمنا لي اللولوه والحركات والكلام الفارغ.... شنو يعني الكلام ده ..!! بس نفخ ليك جضومو قال لي اها النقول ليك قوله ....!!! ياخ ابيييط ...!! مابكلمك ظااتو ....!!! انطا ماداير تظبر ...!! ( اللهم طولك ياروووح لقيت فرصتك فيني اللليله يالمبري ...!! قلتا ليهو خلاص معليش قول ...!!!
نصبر ..!! نعمل شنو ...الحقيبة النووية شايلا الزول اب لسان عريض ده ...!!! )
قال لي ...يعني المعني هو قبل مايكون (طلفوني) كان (طلفون) امونة ....( انا هنا بلعتا ريقي ....!!! وبدات استشعر عمق الخطر ) ....!!! قلتا ليهو امونة الوااااحده دي ...قال لي اياها الواااحضه ضي هو في غيرا ..!!؟؟ ( كلامو صاح.....!!! خجلني علي السؤال ) ...!! قلتا لي اها واصل ...قال لي ...اها هي قامط باعطو لي ..وبقي طلفوني ...!! فهمتا ..!!؟؟؟؟ ....
( فهمتا ياصبري ...!!! وليتني لم افهم ....!!! هملتك الليله ياعلوب الصبري بقول ليك فهمتا ..!!! )
اها واصل يافقري ...بعد ماباعتو ليك الحصل شنو ...!!؟؟
قال لي امونة الغبيانه ضي قايله انها مصحط كل الصور الفيهو ...انا كمان ياعلوب ماااا (شفط ....!!! ) رجعطا ليك الصور الممصوحة كووولها والطلفظيونات ( التلفزيونات دي يعني الفيديوهات ) ...!!ياسلااام ...ياسلااام ..ياصبري يا أمل الأمة ...!! والله فعلا (شفت ...) .....!! ترجع فيك يايابا الصاقعة التفرطق راسك الكبير ده ياصبري ياود الخزين ...!! تريحنا منك ..ومن عمايلك ....!! لا حول ولا قوة الا بالله ....!!!
لا لا ..فعلا نحن امام منعطف تاريخي.... (اخطر نوع) .....!!! (متخيلين انتو عمق الكارثة.....!!! التلفون في الأصل طلع تلفون امونة .....!!! يعني ببساطة الحرامي شايل ليهو (قنبلة نووية ) ....ولافي بيها ...!!)
هسه في اللحظة دي (حلتنا ) و ( كوريا الشمالية ) وااااحد دخلتنا العولمة بي باب (القراش ) ياصبري ...!!! الله لا كسبك ولا غزا فيك بركة ...ياولادة الندم ...!!
كمان بدون خجلا قال لي بطنطن مالك انطا ...ماتصمعنا ..!!!؟ ولا رديت علي ....اصلا ...!!
اتخيلتو المنظر ...ا ....( امونه ) + ( تلفون ) + ( كاميرا ) = ( قنبلة ) 
💣 ....المعادلة وااااضحه ولا دايرا ليها درس عصر
💣 ....المعادلة وااااضحه ولا دايرا ليها درس عصر
وهذا يعني انو الحلة دي كلها علي الهوا وفي مهب الريح ...!!
وامونة دي طبعا حاسبا نفسا مع النسوان ديل بتكون ماخلت ليها رقيص عروس ماخشتو ...!!! وهي طبعا اي بت يعرسوها في الحلة دي بتشكل عدو استراتيجي بالنسبة ليها.... (بتذكرا بي شبابا الراح هدر .... ) ...فمن المؤكد انها بتكون صورتن كلهن بالصف ...رقصة ...رقصة
اها في اللحظة دي اتذكرتا حاجه مهمة...!!! قلتا ليهو وانتا ياصبري بالظبط التلفون ده اشتريتو منها متين ؟؟ 😳
😳
قال لي يوم (الاربحا ) الفاط ....!! 
😁يربعو فيك القيد ياصبري ....!!! (كارثة جديدة ....!!! ) معناها ( الظار ) برضو ضمن المحتوي الرقمي لموبايل (امونة....) وممكن يطّلع علي البث المباشر ....!!! مصيبة بكل المقاييس ....!!!
😁يربعو فيك القيد ياصبري ....!!! (كارثة جديدة ....!!! ) معناها ( الظار ) برضو ضمن المحتوي الرقمي لموبايل (امونة....) وممكن يطّلع علي البث المباشر ....!!! مصيبة بكل المقاييس ....!!!
اها صبري البارد ده شدة ما الله اداهو قال لي ...غايتو اكطر حاجه ضحكتني في الطلفون ضا ياعلوب لقيط ليك امونة ضي مصوره ليك (وض الحاجه ) ده لقطة كااااملة وهو برقص في حفلة ناص (صماح ...!! ) ....جاري ليك القطر صفر ضي من النص وكاريها لحضي المصرح ( المسرح ) وهي تقرب في اللقطة وتبعض فيها ....!! وطجيب ليك في وشو ده قرييييييب جايباهو من طلاطة اطجاهات ....!!!
اتكون ( امونه ) ضي بطحبو ياعلوب ونحنا ماجايبين خبر ....!!!؟؟ غايتو ده ( سؤال المليوووون ) ياصبري ....!!!
صدقو انا ذاتي ضحكتا ...وشر البلية ما يضحك ...!!!
هسا ده يردو يقولو ليهو شنو بس عليكم الله ...
فعلا تحذير صبري في محلو .....!! الحلة في خطر ....!!!
.....!!! مافي حل غير نعمل اعلان للحرامي ده انو ياخد تمن الموبايل سبعة مرات بس يدينا ليهو في (عضمو) ده ....!!!
غايتو حاجه وااااحده بتغفر لي صبري ده انو فعلا شايل هم (الحرامي ) يقوم ينشر الصور دي .....
قال لي ...!!!
( هصه ياعلوبه التصاوير ضي لو كانط عنضي.... كانط... طكون ..في امااانطي الله ....!!! ظوول كان شافا مافي ....!!
تشوف السهر ياصبري ....!! قلتا لي ممكن تتطما ....!! ؟؟
قال لي رأيك شنو ياعلوب نتصل للحرامي ضا في
( الواطس ) نقول ليهو بنضيك قروش ظياده اضينا (طلفونا...)
....!!! الرقم عنضي ...!!! 😁😁😁
😁😁😁
ياخوانا زول يبعد مني (صبري ) ده ممكن افلقو بعد ده
هملتك ياالعولمة الدخلتك ( منمن ) ...!!! مَش زمان كنّا احسن ...!!
....!!! هسا ده كلو كوم ....!!! ياربي (امونة ) دي فعلا تكون بتحب ود الحاجه ....!!