وداعاً كابو ...!!
عبد الحكيم الطاهر أيها العصامي النبيل لم تتوقف في هذه الحياة بل تقدمت بثبات وصبر كبيرين
كنت مثقفًا وموهوب ....كنت رائع في كل شيئ
اجمل مافيك انك كنت تحب الخير للجميع وهذه لايفعلها إلا الكبار ...
كان رائد فكرة مسرح الصم في السودان ونال جائزة العرض المتفوق من مهرجان إسبانيا للصم العام 2003 وتلك لا يفعلها إلا رقيق ....!!
عملت في الإذاعة فأبدعت ...وقدمت للتلفزيون فبرعت ...أما المسرح فقد كنت سيداً له تمثيلًا وإخراج ...!!
.....ليه قفلت الستارة بسرعة ....
منتظرين الفصل التالت .....!! ولا خلاص مشيت ....!!
دعواتنا ليك يازول ياسمح
قريت كتير من أولاد وبنات أهلك ينعوك بحرقة هنا على صفحات الفيس ....قالو ما كنت بتنقطع منهم رغم كل المشاغل ووصفوك بشيال التقيلة ...وطبعًا دي براها بتدخل الجنة ياكبير ...وبمشيئة الله ...
ونعاك طلابك في كلية الدراما ...قالو قدر شنو كنت ( صاحبم ) وكنت ودود وشاطر ولطيف .....!!
وأنعيك اليوم كرمز درامي سوداني كبير قدم الكثير
وكمبدع صميم منح هذا البلد رسالة وجمال ..!!
رحمة من الله ومغفرة ....وداعًا عبد الحكيم ...!!