الحلقة المئة وسته وستون من يوميات علوب 166 مع الطيب عبدالماجد

0
يوميات علوب 166.......سيد( الحروف )


قبل العيد لاقيت لي واحد سكران واقف ( شبط ) ....!! لكنه يدعي التماسك ....!! يتشدشد لما وقع بي ( سكرتو ) في الواطا دي ...جريت عليهو ساعدتو يقوم ....!! 
قلتا ليهو هسا في داعي للبهدلة دي ...!! ليه بتعمل في نفسك كدا ياخ ....شكلك زول كويس ...!!
اخد ليهو ضحكة النوع العين مفتحة والتانيه طافية داك واداني نظرة الثعلب 
....( نظرة الثعلب دي عاملة كيف ياربي ..!!!؟؟ )
قال لي (بهضلة ) .....!!! ( هيق)l😧جابت ليها شهقة كمان ......!! (كتمت ) ....!!! 
دي اسمها سكرة ( يني ) التخليك تمشي وتغني
قال لي انا بي (صببي )شارب ....!!
كدي شوف الناس الواقفين في ( الفرم ) ومنتظرين ليهم رغيفة ديل ما ( مبهضلين ) أكتر مني ...!! 
لاحظو الفرن (بالميم ) ....!!! ماعرفتها تبع السكره ولا من زمان كدا .....!!! 
غلبني أرد .....!! 
قال لي باين عليك ود ناس ونوعكم دا ياهو المصبرنا علي البلد دي ....!! 
قلتا ليهو كتر خيرك بس كمان إنتا حالتك دي ما بتعجب ولا بتسر وإنتا برضو باين عليك زول كويس ....
داير يرد علي ....!! تأتي الإرسال قطع ...!!هيق ...😪هيق 🤤قطعتين المره دي ) شكلها ... ربطت
وواصل ...!! قال لي كدي خليني من حالتي دي ...!! 
أصلو ما مهمة ....!! داير أسالك من حالة ناس تانين ...!!
إنتا شنو حكاية بت دبي الفي القهوة دي ...!!شايفا لافا في الواتس ....!! مالا دي ....!! 
وأنا أصلا ما داير أتكلم في الموضوع دا ...وماعندي معاهو شغلا ....!!قلتا ليهو إنتا مالك ومالا ،..!! خليك في حالك المايل دا ...!! 
قال لي البلد كلها حالا مايل .....!! بقت علي ....بس لقيتني أنا حيطك القصيرة وركبتا ....!!! أمشي كلمن قول ليهم لي شنو البلد دي حالا مايل...!! وما ( حضرانه ) ..😳. ...( حضر الفيديو المجرم ) 
غلبني تاني السكران دا ...!!! 
قلتا لي خلاص عليك الله كدي هسا شوف ليك حاجه 
تفك بيها (سكرتك ) دي .....!! قال حلفتك بالوالدة ...كان تفكها لي ...فاكيها لي شنو ..!!!!؟
( هق ) ...!! أفرض فكيتا ...أربطا كيف تاني ....
إنتا عارف ( عرقي الجوافة ) بقي بي كم ...!!؟؟ 
( هو كمان بقي بالجوافة ..😳 أبو الزفت ...!! ال ( ملك شيك ) دخل العرقي ...) 
(خجلتا اقول ليهو بي كم ) ...!!!
قال لي وبعدين إنتا دايرني افكها عشان شنو يعني مثلا ...!!؟ أشوف الصفوف دي ولا شنو رايك ....!! خليني كدا ياخ مرتاااح ... شايفا طشاش طشاش ....وقصييييرة بتصدق ....
قلتا ليهو إنتا هيا قايلو دا حل ....!!!؟؟ 
دا إسمو الهروب من الواقع ...!!وهروب مدمر كمان ...!! علي حساب بيتك ...!! وصحتك ...!! والأهما من دا كلو ربك ودينك ....لييه كدا ....!!؟؟ 
إتخيلو داير يصفق لي عديييل الزول دا بس للأسف يدينو خاننو ..!! قدر ما حاولن ....👏👏كلو كلو أبن يتلاقن ...!! في النهااااية صفق في الهوا كل يد في حته ....!!! (الجوافة خدرا وقيافة )

قال لي كدي خليني من كلام التلفزيون اللا بودّي لا بجيب دا .....!! وفجأة أستدرك ....قال لي انتا بمناسبة التلفزيون دا ....ويييين البت الاسمها ( سوشي ) ديك ...مختفية ...!!! اعتزلت الفن ولا شنو ...!!
هياااا اخوانا السكران دا متابع والله ....
عملتا رايح قلتا ليهو ( سوشي ) منو .....!!؟؟ 
الساعة العاين لي وقعد يضحك ...!! انا ذاتي ضحكتا 
😅😅
قال لي ما بعجبوني إلا الناس الواعين ديل لما يعملو سكرانين وغمرانين ...!!! لذاذ ياخ .....!! 
( أعجبني التوصيف )
قال لي هسا كان جدعت ليها صورة ولا صباح الخير ولا أي حاجه ....ما كان شوية خففت علينا من الحالة النحنا فيها دي ....!! 
(الضبان ) والبعوض يبدلو فينا ( شفتات ) ...!! دي اخرتا 
( غايتو لو ما الريحة كاتمة كنتا قلتا الزول دا ما 
(سكرا ن ) ....!! 
قلتا ليهو خليني أوديك بيتكم إنتا باين عليك زول كويس بس ( مسخوت) ...!! 
ضحك جنس ضحك ..😂😂قال لي والله توديني البيت يدقونا نحنا الاتنين .....!! إنتا عارف ( المرا ) قالت لي لو ماجبتا الخروف 🐏ماتجي داخل البيت دا ...بتصدق ياود عمي معرسا لي عشره سنين ...!! نهايتا أنا والخروف 🐏🤕واقفين في نفس الشخيت ... بتصدق كلام زي دا ...!!
إنتا قايلنا سكرانين ( هواية ) ولا شنو .....!! ؟؟ 
عاين كداااا قال لي إنتا صحي قالو في خرفان للإيجار .....!!!؟ 
والله لما حنني الزول دا ياخ 
قلنا لي اقول ليك قولة ...انا مستعد أمشي معاك لحدي البيت واديني الإذن أتفاهم مع مرتك دي امكن أقنعا قال لي حرررم كان أقنعتها انا اخلي ( السكر ) 
( بفتح السين ) 
الله يستر من التاني داك بي ( ضم السين ) ما يدخل ( السف ) أقصد ( الصف ) ...
...ياخ خلي يدخل شنو يعني أعزا من الرغيف ...!! 
ثم ثانيا اصلا نحنا واقفين واقفين ...المشكلة وين ....!! ...
المهم اعجبني التحدي والتمن فقررتا أخوض التجربة و أهو نكسب ثواب ...!! 
تكلتو ليك لما وصلنا بيتم دقّا الباب .......
مرتو فتحت 😳 دا شنو دا ...!!؟ لا لا ( قطع شك بتلعب حديد ) 
طوالي لا سلام ولا كلام قالت ليهو ...أنا ماقلتا ليك تاني ماتجي لافي بي هنا كان ماجبتا الخروف ...!! 😡
( انا لما رجعتا لي ورا )
هي ذاتا أنا شايف عندها قرون ...!!
(ولا بتخيل لي ماعارف ...) 
المهم طوالي إدخلتا ...!!! قلتا ليها ( السلامو عليكوم ) 
( بي صوت لذيذ كدا وفرايحي مع نغمة خفيييفة كدا ...
( علوووب ياخ ) 
... قلتا كان تتهدا شوية ) 
قلتا ليها أنا سيد الخروف ...!!
ادتا ضحكة سغيرة كدا النوع داك ( هههاااي ) قالت لي اها ياسيد ( الحروف ) 😳( استهزاء صريح ) .....ولا نقول ليك ( سيد الإسم ) 🤓( استهداف عديييل المرة دي )

ولا أقول ليك باين عليك ( سيد القهوة ) ....عملتا نفسي ماسامعا 
دا كلو أكلتو بالجنبة ) عشان خاطر ( الرمة المتكلو دا )

ضحكتا انا ذاتي (يعني الود مشارك في خفة دمك دي ) قلتا ليها بس جيت أستشيرك ....الحقيقة راجلك دا كتب ليهو شيك لي زول بي أربعة مليون ....!! والزول أداهو تلاته مليون كاش ...ربا رسمي يعني ...ههههه 
( ضحكة خجولة ) 😇 ...!! ( جميل ياعلوب ) ولا اشتغلت بي الشغلا وواصلتا ...قلتا ليها أها دا كلو عشان يشتري ليك الخروف دا ...
وانا متاكد انو لما يجي وكت الشيك حيدخل السجن لأنو ماحيكون عندو رصيد 
فهسا عندك المادة خمصتاشر ....( ربا ) ....والثراء الحرام ( الثراء دي من راسي ) مقروءة مع المادة ( ١٧٩ ) شيك بدون رصيد ....( قلتا أفخم ليها الكلام عشان تخاف وتقتنع ...!!!
قلتا ليها اهاالكلام دا لو برضيك ...ماف مشكله ...!! الخروف بصلك بكره ...!!لكن بتكوني ورطي الراجل الطيب دا ....قالت لي الطيب منو ...!!؟؟
...!! ( طيب ) إنتا والله 
قالت لي أيوا جيبو وخلي يتورط ... مورطني عشره سنين ....!!! خلي يضوق الورطة 
وعليك الله افتح ليهو معاهن المادة ( ٩٠ ) الإحتيال ..
لانو زمان لما جا أتقدم لي قال عندو ورشة وبنشر ...!! الورشة طلعت بس جنب بيتم ...!! تتخيل ....!! 
دي كل القصة ...!! علاقة جوار يعني لا أكتر لا أقل ....!!!! تاني ماف أي علاقة ( وبنشر) واحد مافي ....!!! نافخنا نحنا و أدانا الهوا ... خلي يتنفخ ...!! ....ينفخو البرد 
انا لما رجليني بردن ...أها النوع دا غير قابل للمناورة 
قلتا ليها شكرًا ومشينا ...
ونحن ماشين ...قلتا ليهو اقول ليك قوله ياصاحبي ....!!
إنتا حقو تغير من ( الجوافة ) للبلح ....!! 
أرخص ومفعولو أسرع ....!!! 
لحقتو ليك قلتا لي هيي ها ماتصدق بهظر معاك ساكت ماتدخلنا في ( ذنب ) كمان ....!! 
...لكن بالجد 
....إنتا الشارب ...!! ومرتك السكرانة.....حالة صعبة والبلد ( حضرانه) ....
ومحل ( الرغيفة ) التنقد ...
صحي ياسوشي..!! 
( سوشي ) منو ......!!! ؟؟؟ 😜

التعليقات

احصاءات المدونة