يوميات علوب ...145 ....ككك 
⚡️⚡️
⚡️⚡️
( أمونة ) تاني قامت لي جنها ...!!! قالت ( أميرة فلقصة) إلا تشوف ليها حلة تانية غير الحلة دي ....!!! 
😳
😳
في تصريحات تعتبر الأقوي منذ أشهر .....!!
قلتا لي ( مشاعر ) ليه كدا الحاصل شنو ....!!؟
قالت لي كان في عريس جاييها عديييل ....!! ( فلقصة ) لعبتو.....!!! بمضادات الصواريخ ....جابتو الواطا ...
قالت ليهو دي واحده ماعندها موضوع ...!! وجنينة ساي...!! وفاطا سطر ....!! ......!! طوالي زولك كبر اللفة واتخارج
قلتا ليها والله ماليها حق ...!!
أها لكن اصلا الجاب الكلام دا لي ( أمونة ) منو
...!!؟
قالت لي ( فلقصة ) حكت لي ( مودة ) ( مودة عصعوص) ا مودة ( كلمت ( تغريد بت فوزية) ...!!! ( تغريد ) كلمت اختا الكبيرة ( سمية ....سمية عملت ( تاق ) لي أمها ..!! أمها ( لفتو في صرة ) شاتتو لي ( أمونة ) ....!!!
( الواي فاي ) يتابع بإعجاب ...!!! وال 4G ينحني إحتراما )
قالت لي طبعا ياعلوب النكلمك ونحدثك ....نص نسوان الحلة ديل لو أديتن سر ....!! لو ما قالنو مابرتاحن ...!!! الواحدة بتحس إنها جارا ليها( ترلا ) ...ولو مافكتا بتوحل ....!!
قلتا ليها ...خلااااص تمت الناقصة ( فلقصة ) رجعت ( أمونة ) تاني الملاعب ...!!!
ياخ دي قرررربت تعتزل بعد ( عمرتا ) ديك .....!!!
لكن ( أميرة ( تستاهل ) ....هي مالا ومال الكلام الزي دا ....!! كان تخليها تشوف حياتا ....مالا علينا ياخ .....!!
بس بامانة ( أمونة 
❌ فلقصة ) دا لقاء السحاب.......
❌ فلقصة ) دا لقاء السحاب.......
( ترامب وبتاع كوريا داك ..) ....والله مفروض ينقلوها لايف ....
( أمونة ) انضربت في أعز ما تملك ...
( برنامج زواج قد لا يأتي قريبا ....) ...!!!
وفلقصة تُمارس هواياتها القديمة ...!
قلتا لي ( مشاعر ) أها في الحالة دي الممكن يحصل شنو ...!؟ مشاعر قالت لي شوف يا علوب ...( أمونة ) دي من الصعب التنبؤ بي خطورتا وخطواتا لي قدام ومايمكن أن تقدم عليه ....!!
لكن التصريح المعلن لحدي هسا إنها حتحلق ليها صلعة ....!! حتحلق ليها صلعة ...!! دي الخطوة الأولي المؤكدة ومن المصدر ....
( اتخيلتا فلقصة بالصلعة ......ضحكتا ضحك ) 
😂😂
😂😂
ان شاءالله يحلقو ليها عشان تتوب .....!!
قلتا ليها وأميرة عندها خبر ...!! قالت لي كلمووووها ...نكرتو حطب ...!! قالت هي أصلو ماقالت كلام زي دا ...لكن لو ( أمونة ) مصرة تورطا كدا بدون سبب ...وواصلت إصرارا دا ....!!! ففي الحالة قالت حتقول
( قووووولتو وأنا ستو ) ................!!! يوززززززززع
( الحلة مستواها اتدحرج )
كدا القصة وضحت ....!! ( أمونة وفلقصة الي الدور النهائي )
............!!!!!
قلتا لي ( مشاعر) كدي وريني هو ذاتو عريس الغفلة دا هو منو وقاعد وين ....!!!؟؟ أنا ممكن أتدخل في محاولة لتقريب وجهات النظر ...!! خلي ( أمونة ) دي تعرس ياخ ....!!! تضوق العرس دا للزمان ...!! بدل تضوقنا المر ...!! ويا بخت من وفق راسين في الحلال ...!!! رغم إنو دا راس نووي .....!! لكن نعمل شنو اهو عملا للأجر ...!! وعشان خاطر (الهادي )اخوها المسكين دا ....!! شهتو العافية ياخ
طبعا ( الهادي ) دا زول جميل خلاص ....بحكي لي قال لي ( أمونة ) قبل يومين قالت ليهو عليك الله يالهادي جيب لينا معاك ( بتيخ ) بعد ما ناكلو عايزين نرمي القشر قدام بيت ناس ( سنية ) الدنية دي ... لقيت ليك قشر ( البتيخ ) دا مردوم قدام خشم بابنا ومكوم ....مافي زول بياكل ( بتيخ ) قدر دا غيرم ...قالو ليهم بنضف الكلي وماصدقوا ...دايرين ينضفوها ويوسخونا نحنا
خليني أردمم يردمم البلا ....بلا مسخرة ....!!!
( هو بتيخ السجم دا مارفعو عنو الدعم ولا شنو) ...!!
( غايتو امونة دي مكانا الطبيعي كوريا الشمالية ) ...هنااااك
مع الزعيم ....
خلت ليك ( الهادي ) دا بس مفنقل عيونو ...
وياسلاااام علي الهادي ..وجمال الهادي ...ورقة الهادي ..زول طيبان خلاص ...حاجاتو كلها براااحة كدا وهاااادي ذي إسمو دا ...!! اصلو ما تقول اخو ( الجنريتر ) دي ...!!
قال لي ...قلتا ليها كدا ما صاح يا أمونة ياخ ...الكلام دا عيب ...ومابجي ديل برضو جيران ....!!!
انا قلتا ياسلاااام تطور ملحوظ (الهادي) إنتفض .....
اخد ليهو سكتا كداااا ....قال لي انتا صحي ياعلوب ناس (!سنية ) ديل بياكلو بتيخ كتير ....!!! 
🍉🍉🍉🍉 😳😳😳
🍉🍉🍉🍉 😳😳😳
اي نقاء هذا وطيبة يارجل .....!!! والله اصفق وأعلّق ...عليكم الله شوفو البراءة دي حدها وين ...!!! الهادي ياخ .... الذا زول ...!! قلتا ليهو ايوه بياكلو ...!!! اقول شنو بس ..... !!! سؤال يكيف ...!!
ا
المهم خلونا مع ( عاصفة الرجم ) دي
(مشاعر) قالت لي خليني اتصل علي ( صفاء ) عندها تفاصيل ( العريس ) لأنو هم الرشحوها ليهو .....!!
قلتا ليها وهو العريس ترشيح ...!!؟؟؟ 😳
😳
قالت لي يعني حيكون ( تعيين وزاري ) ياعلوب ....هو مش كويس في عريس
....!!!!!
( مشاعر ) اتصلت علي ناس ( صفاء ) وجابت كل المعلومات والتفاصيل ....قالو الزول دا شغال في السوق العربي في مخزن ( خيش ) .....ويتواجد بكثرة في شارع النيل قدام العمارة الكويتية .....!!
وصفو لي المحل مشيت ليهو في العربي مالقيتو ...!! لقيت الشوالات ...!! جيت شارع النيل مزريتو ...محكر ليك في نص كرسي البلاستيك داك لما مدفق بالجنبات ...!! قدامو سبعة قهوة وأربعة شاي ....!! مستلم القعدة علي حسابو ...معاهو عواطلجية كدا عاملين بستمعو ....!!! طلع أشهر زول هناك ...!!! ما بفط ولايوم ..
ودي ال CV وقاعدة البيانات .....!!
اخير الخيش الفي الدكان )
الاسم / مصباح الدعول ...( للفخامة عنوان )
اللقب / أب خيت ( هيييع ...عفيت منك ( الورل )
المهنة / عاطل
الهواية / شراب الشاي والقهوة ...
المؤهلات العلمية ..../ علاقات عامة ( لا جامعة ولا قراية )
قطيعة بس وكلام في الناس ....
الخبرات .../ تخصص رمتلة ونوم .....
مصادر الدخل .../ أكبر كضاب في التاريخ الحديث
عامل سمسار ( التراب دا لو لقاك ببيعو ليك ) ...!!!
وانا اقوووول ( أب خيت دي شنو ...!!؟؟ ) طلع بخييت أي زول ...مكنة خياته ولافه .....!!!
اها دا العريس الشارد ....!! هسا دا يبكو علي ...!! ولا يبكو منو ...!!!
غايتو بس الله شافك يا ( أمونة ) ....!!! وربنا مرقك يالدعول
كان وروك ( كتاب ) .....وشفتا الخياته بالطريقة الصاح ....( خيت ) لاقي ( الزيت )
المهم جيتا طوالي كلمتها بي الكلام دا كلو وباركتا ليها إنو لي حكمة الهية القصة دي ماتمت .....!! وقلتا ليها الجماعة قالو ليهو( أمونة ) دي وارثة.... وعندها تلاته قطع أراضي ....( وبوكس ) ....!!! قالت لي ( تلاته قطع مره واحده ) ....!! يوريني الله ( عجبتا القطع الناصية دي ) ......!!!
قالت لي يقطعو النص بالنص شحدتا ربي العاطل الكرور ...هو ما كان يجينا بالدرب عشان يشوف ( البوكس ) دا ذاااتو بدو كيف ...!!؟؟ 
👊 الحرامي ود الحرامي....!!
👊 الحرامي ود الحرامي....!!
اها كدا كويس يا ابخيت ...!!؟
جبتا الكلام للوالد .......!!!
وواصلت ( الكونتيسة ) القصف في معرض تعقيبها علي الحدث ...
بالله شوف الرمتال السجمان المابخجل دا ......قول لي هو نحنا كان بنعرس نوعك دا كان عرسنا زماااان يامغفل ...!!
(شوف ( نحنا ) دي ذاتا كيف ...!! ثقة جد ...!!! )
( صباحية مباركة ياعروسة ) ( لحدي رمتال وسجمان دي نحنا معاك .....!!! بس الأخيرة دي واسعة شوية ) .....
واضافت ( سونا ) ....( للأزياء ) 
😜
😜
أنا ياعلوب ما قلتا ليك الرجال ديل كلهم كضابين .....!!!
( ولم تستثن احد )
باركو لينا .....!!! معناها
( أنا والهادي جوا الجك )
قالت لي اااااخ أنا دي بس لو أدوني سلطة في الرجال ديل ان شاءالله يوم واااحد بس ...!!
كان شهيتم العافية وقطعت منهم الموية والنور ....😳
😳
( لتطوي ( أمونة ) مرحلة الطفي النور منو .!
وتعبر بِنَا الي قطع كامل للإمداد ...الف مبروك ( خبر السواد )
انا كنتا قايل نفسي وبعد كلامي دا كلو إنو علي الأقل إحتويت المعركة الجاية دي ...وأبعدتا شبح المواجهة .....!!!
ففاجئتني النووية ....
قالت لي أولا بالتبادي ياعلوب أنا العريس (الهوا ) دا ما بهمني في شي ....!!!ولا لازمني .....!! ( كضااااابة يا منمن )
أنا هسا مشكلتي كلها مع ( الضاربه ) الاسمها أميرة دي .....!!! لكن حلفتا وقسمتا 
👌 لو ما حلقتا ليها في نص الحلة دي ...الله يجازيني ...!! واكون أنا ما أمونة .....!!
👌 لو ما حلقتا ليها في نص الحلة دي ...الله يجازيني ...!! واكون أنا ما أمونة .....!!
.....(البسمع القسم يقول اختاروها في اليونسيف)
والله يا اخوانا لو شفتو الطريقة القالت بيها الكلام دا
ولوية القدوم ...وغميت العيون ...ورفعة الحواجب ..
( فلقصة ) دي مفروض طوااالي تجي تسلم نفسها وتجيب ليها ( مقص ) تقعد لي ( أمونة ) دي في بطن الواطا دي تقص ليها شعرا دا بي كل ذوق وأدب ....!!! بدل البهدلة الحتحصل دي ....!!!
ونحنا ذاتو ممكن نتدخل نخليها ( قطعية ) بس .....
وبالجنبات ....!!! المهم ( أمونة ). تعز حليفتا ...!!!
....مشاعر قالت لي وهو دا منو العريس ( المُجازف ) دا..
قلتا ليها شوفي يا ( مشاعر ) بغض النظر عن هو منو...!! الرجال ديل كلهم ...لما بجو يعرسو مابعاينو بي ( عينم ) الشايفاها إنتي دي ...!! في عين بي جوووه ورا ( عينم ) دي هي البتشوف ....!! ودي موصلا مع القلب مباشر ...!! أول ما تلتقط الصورة بترسل الإشارة ....ذي ( الكاميرا ) ....طوالي القلب بدق .. وباب العروس بيدق ...عرفتي ...!!؟؟
قالت لي والله عرفتا لمن بهناك .....!!
و أنا أقووووول نحنا مرّات بي تحت تحت كدا بنقول بالله فلان ( الوجيه ) دا ما لقي غير هناية ( التعبانة ) دي ......!!!! 
😾
😾
اتاري ( هناية ) منقولة بالعين السحرية ...والكاميرا الخفية ...!!
.....!!!!!
قلتا ليها والله تعبانات أنتن ...!! ماهي ....!!
طبعا قاعدات تقولو دا سعد ( الشينة ) ....!! والشينات انتو وحاشاها هي....!!!
إنتي ممكن تتخيلي إنو ربنا دا ممكن يخلق ليهو زول شين وزول سمح ياشوشو ...!!؟؟؟ حاشا وكلا .....!! ربنا دا الكمال .....
والعين ما بتشوف .....!!! بشوف القلب ....!! 
😍
😍
دا ما ( سعد الشينة ) دا ( وعد الزينة وحنينة )
مافي حاجه إسمها شينة وسمحة يا مشاعر شيلي الكلام دا من راسك...!! خلق الله كلو جميل ...!! في زاوية نظر مختلفة ...!! ودي كل القصة ......!!!
الشايفاها إنتي شينة دي ...!! راجلا الإختارا شايفا ( الأجمل ) وأجمل منك ...!!! ومن أي واحده غيرا ....!!! والشايفاتنها انتو سمحة وتجنن ومكملاها دي ...!!! قد ما يجيها راجل أصلا ...
( الله بديك حسب نيتك .....!! ماحسب زينتك ....!! )
والصورة عندو مكتملة
( لأنه الكمال كما ينبغي لجلال وجهه الكريم .....!!! )
وعندنا الصورةً ناقصة...!!
(لأننا النقص كما نشتهي لواقع فهمنا السقيم ....) ...
وقع ليك كلامي دا .....
قلتا ليها العدسة الداخلية الجوه العين دي ما بتفتح طوالي زي العين البرا دي ....عندها مواعيد ....!! عشان كدا العرس ..( أوان ...وتوقيت ...وقسمة )
ويوما التفتح ...( ككك ) ⚡️⚡️ بتصور ...⚡️⚡️
⚡️⚡️ بتصور ...⚡️⚡️
والصورة بتطلع....( زفة ....)
شوشو قالت لي ...ترانا راجين ( ككك ) ⚡️⚡️دي ....!!
⚡️⚡️دي ....!!
قلتا ليها
ساعدينا بالرضا و الإبتسامة ....!!! الصورة بتطلع حلوة .....!!
تشيل وتتبسم ....
قلتا ليها ولو اتأخرت شوية اخدي ليك ( سيلفي ) ....!!!
قالت لي تف من خشمك ....!!قلتا ليها خلاص ...معليش
كككك ⚡️⚡️
👁...
⚡️⚡️👁...
لما ضحكت المستهبلة ...!!! تحلف تقول عرسا الخميس الجاي .....!!
الله يسعدك ياشوشو ....!!
دا كلو هين ...!! هسا امونة دي ...حتحلق لي البت دي بالمقص 
✂️ ولا الموس....!! الكلام كان واضح ....صلعة يعني صلعة ....
✂️ ولا الموس....!! الكلام كان واضح ....صلعة يعني صلعة ....
امونة دي لازم تجدد ( العمرة ) ....شكلو البنج فكا ....
صحي يا منمن.....
( ككك) ⚡️⚡️👁
📷⚡️⚡️
⚡️⚡️👁📷⚡️⚡️