يوميات علوب ....144 ...!! فلنطاااين 
❤️ أون لاين ...
❤️ أون لاين ...
عندنا صاحبنا إسمو ( كمال ) بنقول ليهو ( كمون ) ....!!
ناس بيتم ذاتو خلو ( كمال ) دي ...!!! مدورين ( كمون )
المهم ( كمون ) دا ( مجكس ) ليهو واحده كدا كابي ليك معاها إحساس تقيل .....!!! طوااالي بجي يحكي لي عنها .....
( العزيزة ) زعلانة ....!!! و ( العزيزة ) خالتا جات من السعودية ...!! ( العزيزة ) جرحت أصبعا ...وناس ( العزيزة ) ماشين عرس جيرانم ...!!
بس مدور ليك فيني كدا ... أنا لي هسا ماعارف اسما منو ...!!؟
بس هو بقول لي ( العزيزة ) ....وأنا ما سألتو ...
( عزيزة عزيزة وأنا مالي ) ....داير اناسبا ......
وبحكم علاقتي بيهو مرات كدا بحكي لي عن مواقف بيناتم وتصرفات بستشف منها بعض الملاحظات ...فبقول ليهو والله ياكمون ( العزيزة ) دي شكلها مستهبلة ياخ ...،.. لأنو مرات بحكي لي حاجات ومواقف ظاااهرة مادايرا اجتهاد شديد ....!! فبقوم هو بزعل زعل شديد لما اقول ليهو كدا ......يشبكني ليك ...( عاذرك ...عاذرك .....( هو بطلع لسانو في ( الذال والسين ) عندو ( حول ) في الحروف 
😍
😍
وبتكلم سريع كدا ومعاها غميتة عيون مرات لو الكلمة ابت تطلع .... أها بقول لي ..عاذرك ..عاذرك....والله اااعلوب عاذرك ... إتا إتا إتا ( إتا دي تلاته مرات حتي ظبطت )
إتا لأنو ما بتعرفا بس .....!!! دي ( العذيذة ) ياخ ....!!
(واللسان برا طبعا)
ما بالغتا ياكمون مالقيت ليك غير الاسم ( الكمين ) دا ....!! دبل ( زا ) ...،!!! إنتا ناقص ...
الممهم ( كمون ) مكتول كمد راقد رز ....والبت دي أنا حاسي بيها بتلعب بيهو...!! وهو زول الله ساكت ...عااايش الدور ...
جاني قبيل العصر قال لي الليلة عازما ....( أوزون )
( بكون بجمع في قروش العزومة دي شهر ...)
ما دام الرغيفة بجنيه ...ف ( أوزون ) بي ( مليون )
قال لي ما عندك ( عطر ) حلو كدا نقابل بيهو ( العزيزة ) ؟؟
أنا طبعا جني وجن الزول البقول للريحة ( عطر ) وعايزين ( نتعطر ) والكلام الزِّي دا ....!! كدا بس ماعارف ليه ....!!
احتمال ( عادات وتقاليد ) .
😜
😜
المهم طلعتا ليهو الريحة اقصد ( العطر ) ....اتشطف بيهو شطيف ...!! وأنا مبسووط لي بسطتو دي ...
أها في اللحظة دي ( العزيزة ) اتصلت ...!! نقنقو حبة كدا مع بعض ....وبعد المكالمة حسّيت بيهو اتغير وبطنو طمت .....
قلتا ليهو خير في شنو ...!!؟؟ قال لي اعتذرت عن الدعوة قالت جوهم ضيوف في البيت و أهلها منعوها تطلع ...!!!
المهم حسّيت بيهو زعل كدا وقعد يطنطن ...!!
قلتا ليهو ولا يهمكً ياخ ....كويس ذاتو إنو في بيت وأهل وزبط وربط ....دي براها سلامة ....بعدين يا ( كمون ) ياخ الدنيا ما طايرا خيرا في غيرا ......
قال لي إنتا ياعلوب قايل ( الفلنطاين ) دا بجي كل يوم ماهو يوم واحد في ( الثنة ) ...( السنة عندك لكن )
قلتا ليهو إنتا ياكمون كمان بقيت تمشي ( الفلنطاين ) 
😳
😳
بعدين هو ما اسمو ( فلنطاين ) ....!! الفليتة التقوم ليك في نص ضهرك دا ...قال ( فلنطاين ) ...!!!
قلتا ليهو أها وان شاءالله كمان كنتا شايل الورود 
🌺 وماشي تفلطن .... ❤️ ( قلتها ساكت كدا .)
🌺 وماشي تفلطن .... ❤️ ( قلتها ساكت كدا .)
بتصدقو ( كمون ) طلع مشتري لي ( دب أحمر ) للعزيزة
قلتا لي حلفتك لما تمشي تاني سوق معاك ( كلب ) ناس حاج التوم ده ...يغير شوية .....!!! طالما فتحتو باب حيوانات ....!!!
المهم مشي بيتم وجاني ليك راجع بالليل دا ( حالتو بالبلا )
قال لي شوف شوف ياعلوب دي اخرتا ..!!!؟؟ 
😩
😩
وجدع لي موبايلو قال لي شوف ( العذيذة ) بتلعب بي كيف أنا ياعلوب ....تقول لي جونا ضيوف القاها ( غاذا ) كوعا ( مكومة ) في عيد ميلاد ...!!
لا وعيد ميلاد منو ...!! واحد اثمو ( ثامح ) ....!!
عليك الله البت دي مابتشذ ...!!
عاين عاين ....!! عاين ليهم في الفيس ملمومين كيف ....!!؟. وفاتحا نفسا تصفق كمان تصفق
( كمون اول ما يبدا يدبل في الكلمات معناها الوضع صعب وخرج عن السيطرة )
أداني ليك الموبايل فعلا القي ليك ( اللايف ) دا مدور ......!!! بالخط العريض Live
قلتا لي هي وينا ذاااتا ( العزيزة ) دي في القاعدين ديل النشوفا للدنيا والزمان ....!!!؟ نكحل عيونا ...!!
قال لي ياها دي ( البتلهط ) دي ......!!
ياحليلو ( كمون ) تكون قطعت قلبو بالسندوتشات ....شكلها بتعز العضة ...!! يدينا الاتنين مشغولات ...!!!
قال لي الظاهر أنا اتلعبتا ياعلوب ....
هثا بث وريني ( الذول ) يعمل شنو بث ....!! قربتا اقول لي ( بث ) مباشر
قال لي قلبي بقول لي أمشي عليهم اقلب ( الطرابيذ ) 😜 دي في ( ريثينم ) و أجي راجع ...
😜 دي في ( ريثينم ) و أجي راجع ...
قلتا ليهو لو بخلوك تجي بعد الحتعملو دا ....أمشي وتعال
طبعا ( كمون ) دا عاااادي بجري من الكلاب ...!! وطوااالي قلبو دا بحدثو ....مره واحده سمع كلامو مافي ...!!! وهو زول مسكين خلاص ومسااالم ....والعزيزة متجدعة ....
انا طبعا ( العزيزة ) دي ختيتا في ال blacklist
لما مرة سألتو بكل براءة قلتا ليهو إنتا يا ( كمون ) ( العزيزة ) دي بتتصل بيك أكتر متين ..!!؟ لما تكون مضايقة ..!! ولا لما تكون إنتا الزهجان ....!! قلتا اشوفا بتحبو هو ....!!! ولا بتحب روحا أكتر ...!!؟؟
جاوبني بكل نقاء وأريحية ...!! قال لي صراحة لما تكون دايرا رصيد ....😳
😳
( طلعت بتحب التلفون ( نملة الرصيد ) .....!!
دا أخطر نوع ....!! ما بشبع ...!!! قدر ما تديهو ..
يقول ليك هل من ....( رصيد ) ....!!!
قلتا ليهو شوف ياكمون هسا إنتا كدي روق وأهدي
و أعمل رايح كأنو ماعارفا هي وين ..!!! كويس ..!!
واتصل عليها ....
وياهم ديل نحنا شايفنهم قدامنا علي الهوا ...!!!
نشوفا بترد ...!!! ولا لا ......!!!!
( غايتو يا ( مارك ) الله يسعدك ...بالجد ما حرمتنا من شي )
المهم اتصل بيها وياها دي قداااامنا ....عاينت في التلفون وغمتتو رجعتو الشنطة وتكوضم
كمون داير يطرشق ....وبقي يورجغ ....
( بث اظبري لي ...لما الاقيك ،..لو ما أدبتك .) ...
( إنتا تااااني حتلاقيها با قيس ) .....!!! 😳
😳
( يا اخوانا الزول دا انا افلقو ولا العمل شنو)
قلتا ليهو إنتا با كمون علاقتك بالبت دي ليها كم ...!!؟؟
قال لي زمن طويل ياعلوب ...!!
أنا قلتا خلاص دي عشرة عمر ...!!
قال لي داخلين في الشهر التاني ....ياسلاااام ( عشرة الأيام) غايتو( كمون ) دا الله يدينا خيرو بس ....!!
قلتا ليهو وأصلا إنتا لاقيتا وبن ....قال لي في
( محطة عشرة ) .....!!! ( شوفو ليكم منظر )
قلتا ليهو وباذن واحد أحد ( حداشر ) ما حتصلوها ....!!!
قال فالنطاين ...وانا اقول مالو حظك ( مطين ) كدا.....!!! اتاري من ( الفلطنة ) الانتا فيها دي ....!!!
قلتا لي أها هسا حتعمل شنو ....!!
قال لي خلاص ياعلوب ...قلبي أباها البت دي ...والله كشفا لي ( لايف)
قلتا ليهو بسسس كدا وصلتا وانا زماااان كلمتك ...وهي الخسرانة بالمناسبة ما إنتا ....
غايتو الليلة اول مرة في حياتي اشوف لي
( فالنطاين أون لاين .....!!
كمون دا ضحك ضحك .....!!
البركة في ضحكتك دي ياخ ...وشهر شهرين والتالت مرا .....!!
بس عليك الله عندي سؤال ياكمون ممكن ...!!!؟؟
قال لي اتفضل ...!!!
قلتا لي عليك الله إنتا ( العزيزة ) دي اسمها الأصلي منو
رد علي بي سرعة .....قال لي ...اسما ....
( العذيذة الما بتثال عن ظروفنا .....) 😜
😜
وفقعناها ليك ضحكة مع بعض .....قربنا نقع .....!!
قلتا لي لا بالله بالجد كدا يا كمون اسما منو ...قال لي اسما
( لبني ) ....!!
قلتا ليهو كدي أتأكد ( لبني ) ولا ( لقمة )
كمون دا داير يدردق في الواطا من الضحك
اها ياصاحبي ما عزيتك ...كلو ولا كمون
يسعد مساك الخير ....!!!
وهابي فلنطااااااين .......!!!
💔💔
💔💔