يوميات علوب ....102 ....ليه يا الوزة ...!!
البلوم نزل في الساحة ....!!! البلوم نزل براااحه ....يمين مافي زول كتبو فيهو الاغنيه دي غيرك ...!!! بلومه والنَّاس مظلومة ...هياااا اخوانا ماتلحقونا انضربنا نووي ...!! البنات ديل اصلا هن اربعة انواع من حيث المقدرات القتالية ...!!! في رصاص حي ...!! وفي قنابل ( حلات الزول في الطول والعلا ) ...وفي رصاص فشنك ...( ديل ناس اميرة فلقصة ) صوت بس ..!! اها كمان في النووي ..ديل الراجمات ( ذي ناس اخلاص بتاعة الوكالة ديك لو بتتذكروها ) (وملاذ الفي دال ) ...!! اها نحنا الليله في المستوي الرابع من التأهب الأمني ......!! التهديد نووي ....!! دبابه وجات داخلا ....!!! غايتو البنات ديل قدر مانقول وصلنا (الميز) تجيك واحده ...ترجعك الروضه ...!!! اها شوف جنس ده ....!!! البت ولا غلطه . .....
حلا ..!! حلا ...!! حلا ...مبالغ فيها ..ده كلام شنو ده ...والله باجماعة البت دي جات داخلا مكاتب (المغتربين) دي ..!! وقفت الحركة ...شقتا النص ...!!!
ياربي هسه دي تكون ( مغتربين ) وين ....!!؟؟ ديل بكونو ناس زحل والمريخ والكواكب دي ...!!! دايما البلد دي بي خيرا ...!!! في واحد كدا موظف ورا الشباك الصغير داك لو ليهو مراد بس يجي مارق بالشباك ده يشوفا ...!!! قبل شويه كان بنهر ليك في الناس .. زحو ورا ...!!! واقيفو عديل ....!! عاين ليهو هسه يتاوق كيف ....!! (طيره في القفص ... !!! ) الليله مووت ..!!! الحمامة وقادله معانا ...!!! ملتحمة مع الجماهير ....!!! الله ده ماكريم علينا ...!! احب الجمهور ده ذاتو البشجع اللعبة الحلوة دي ....!!! يازووول البت دي جهجهت ليك الأمة دي كلها
جا (ملازم اول ) كده ماري ...وآلله فضل ليهو يدي التحيه ....!!! (وجنابو حياني بي كابو ....!! ) دي اسمها سطوة الجمال ...!!! مابتفرز ....!! والصمت في حرم الجمال جمال ...!!!
مش في بنات كدا بكونو ماشات ذي العايمات ....!!! بسس ياها زولتنا دي ...!!! وليه يا الوزة مابتعومي ...!!!!
...!! قدر ماتتخيلو ما أظن تتخيلو انو ( الايربص ...) الانا بحكي ليكم عنها دي دي وقع اختيارا علي (العبد لله ) من دون العالمين دي واتكلمت معاي ....!! والله جد ....!! (استغفر الله) ...!!! الحقيقة هي مش اختارتني كدا بالاسم يعني ....!!! هي صراحة لاقتني (مشحوط ) واقف قداما قالت لي لو سمحتا ....!!! وين مكتب الضرايب ...!!!؟؟ قربتا أقول ليها يضربم الضريب شقاق العناقريب ...!! دايرا بيهم شنو يالسمحه ...!! والله لو مشيت كلمتهم يجوك في حتتك دي ....!! ويخفضو ليك الضرايب ...!!! ياخي هو ذاتو انتي مفروض هم يدفعو ليك ضريبة ....!! والله جد ...!!! ( ضريبة دخل ) ...!! شوفي هسه (الدخل ) الجايبا ده ...!! لا بالجد دي سماحه مامعقوله ...!!اول حاجه البت دي دعجاء سمراء ..!! محتشد نواصيها .....!!! (اقسم بالله الكلام ده معناهو شنو انا ماعارفو ...) بس بتخيل لي انها عامله كدا .....!! لا وكمان لابسه ليها حجاب كده في راسا ...!! يخلو ليها ...!!! اها في واحدين كده وكت يلقو السماحة فايتا الحد ...!! حسادة كدا....يقول ليك ....(لعنة الله عليها ....السافره ....!!! )
اها دي محجبه وطياره ....!! الليله الا تطيرو ....!!
نرجع للقيامه دي ....طبعا دي مابوصفو ليها ...دي تقطرا بس توديها محل دايرا ...وتنال شرف القطره....وكدا كدا يالترلا القاطرا قندراني ......!!!
اها انا اللليله قندراني... وكومر واي حاجه ....!!! مش اصطفوني وسألوني ...!!! ( من يوم ما لقيتو كل الفات نسيتو
في قلبي اصطفيتو ودون الناس هويتو ...وانا شفتا الملاااك ..) اروروووك ....!!! والله معاي ناس واقفين لو قالت ليهم دايرا مويه كان جرو جابوها ....!!!
يازوول ماشي ليك قداما ذي موتر التشريفات ...(والمرسيدس ) دي وراي ...(والمغتربين ) دي كلها تعاين ....!!! وانا في جاه الملوك الوك ...حاسي ليك بالعظمة ...!! اكيد في ناس جابو سيرتي الوكت داك ...!!! يعني بكون في ذي عشره كده قالو لي بعض شوف ياخ ...!! شوف الطياره الماشه ديك ...!! التاني بقول ليهو ياتا دي ..!!؟؟ وينا ...!!؟؟ حيقول ليهو ...ياخ الماشا مع الود اب قميص (كحلي ) ده ...!!! ( ده ...اللي هو انا) ....(دخلت التاريخ ياعلوب..) ...ياربي يكون القميص (الكحلي) ده الليله عامل شغل ....!!!؟؟ والله مابعيد ...!!!
المهم وصلتها ليك مكتب الضرايب ....!!وبدون ما اشعر قلتا ليها ...اها ياهو ده المكتب ...!!! وانا حانتظرك بره هنا ...!!! هي ذاتا استغربت ...!!! والله ليها حق ....!! (زول قال ليك وصف لي ...!!! تتكركر تجي معا ...!!! وكمان داير تنتظرو مابالغتا ياعلوب ....!!!
المهم قالت لي كتر خيرك ..!! شكرًا ...!! لا عرفتها شكرًا دي يعني طير فوت .....!!! ولا شكرًا انك حتنتظرني ....!! (اخترتا الاجابه التانيه ...!!!
ووقفتا ليك قدام الباب ذي الحرس .....!!! المهم اخدتا لطعتي
ديك مساااافه ...!!! وقالت كدا (الكتاحه ) دي جات مارقا ...!!! ولم يخب ظني ....!!!! ؟؟
جو مارقين معاها تلاته ....!!!
يبدو ان موتر التشريفات تحول الي موكب رئاسي ....!!
حتي السماحة عملتو ليها (ضريبة ....) ...!!!الله لا جاب باقيكم ....!!!
وكدا كدا يا الترلا... تفكي القندراني ....!!!!؟؟؟
صحي والله .....!!! (الجمال ) لادين له ...!!! وليه يا الوزه مابيه تعومي ...!!