يوميات علوب ..79 ....ماشفتو عوض ..!!؟؟
غايتو عندنا واحد هنا منجضنا نجاااض ...!!! اسمو (عوض ) اكبر منظراتي في الحلة دي ....والله لما تسمعو بحلل في اسباب ارتفاع الدولار العوامل والمؤثرات ...!! تشفق علي البلد دي ...!!! الغريبه هو الدولار ده شكلو كيف ماعارفو .... غايتو اليومين ديل لقي موضوعو ...!!! وتحول من الدولار والعملات الورقية ...الي الخرفان وأعياد الضحيه ...!! ( انا دي ماشايف فيها حاجه التماسيح أحسن من الخرفان في شنو ...!!؟ المهم شابك ليك الجماعه لازم يكون أقرن ..!! والسنون ( تني ) ....!!! والعيون دواعج ...(غايتو دي عتيق ماسبقك عليها) ...!!!
اها اليومين ديل طارح نفسو سمسار ...!! اي زول داير خروف بمشي معاهو ...!!! ( كنتا أرسل ليهو فطوم اختي دي قالت لي ياعلوبه جيب لينا خروف ملون ..!!! هو انا ابيض واسود قادر علي يافطوم ...!!
اها ابو عويض علي التعترو لمو فيهو ناس ( أمونه ) وكلوه بأمر خروفم ...!! وقال كده اخد لفتو ..!! وجا طابقو ..!!!يشكر فيهو تحلف تقول كورولا ...!!
بعد يومين جاتنا أمونه قالت خروف ( عوض ) ده مما جابو ماقال باااع ...( يكون حارق لمبة صوت ) ...!! بعدين انتي يا أمونه جايباهو للعيد ولا صبحيه ...!!! الحاجه التانيه قالت الخروف ده ذي مخلوع كده طواالي ...!! وماعندو فرفشة الخرفان ديك ونطيطا ...!! ومابي الأكل .....!!! وقالت كده أمونه جابت شهادة البحث حقت الخروف ..!! طلع صومالي ...!! ولمت ليك في عوض نص الجماعه .....!!
تعال هنا ياعوض الله .. ...!! عشان شنو بتجيب لي خروف كان
في العمليات ..!!! بتقصد شنو ...!!!؟؟ امانه في ذمتك ده خروف بي مليون ...!!! تعال بي سرعه سوق خروفك ده رجعو محل جبتو ...!!
ولا قسمتا أفرج فيك الحله دي ...!!! (نبقي لي جنس ده
ياابوعويض ..!! ) اها بعد يومين قالو الخروف اتلحس ..!! وقالت كده أمونه نزلت ليك سلاح المدفعية ...شوف ياعوض الله المليون حقتي جات لحدي بكره جات جات ...!!! ماجات أرجي الراجيك .. .!!! والله ياخوانا عوض ده لو ماخجل مننا كان قال بااااع .. ...!! (وتصريحات أمونه دايما توخذ مأخذ الجد)
المهم عوض لحدي الان مافي زول عارفو وين ...!! لكن ماعندو حل ...امونة جابت شهادة البحث ماتجيبك ياعوض النحس .....!!!
والسبب الحماني العيد هناك احضرو ...مليون الخروف وأمونه كان بنقدرو ...!!
وماشفتو عوض ياساري الليل ...!!! مااااشفتو عوض ....!!؟؟