يوميات علوب..92 ....عرس سماح
الليله ماكان عرس سماح ..!!! غايتو لا عرفنا عرس ولا بكا ....اللييييييله....!! ياحليلك ياسعادة الفريق...!! بعدك (الفريق ) اصبح خلا ... غايتو البركه في جوز اللوز (فدوي ومعزة ) ديل ....!! هي لكن سماح دي مااا براها ياخ ...!! والله وكت اتذكر ضحكتا ديك وغرويد العيون والغمازات بحس بي جنس (الم) ...!! الليلة طبعا مباريات الامم الافريقية زوووول شغال بيها مافي ...الناس كلها مركزا مع (ريال مدريد) الاسمها سماح دي ....
ان شاءالله ماتنفعك ...ياابوحنفي ...!! اي والله سألنا من اسم العريس قالو ده اسمو ...(ابوحنفي ...) الحنفيه يا يابا التكب في راسك ده .....!! عليك الله مابالغتي ياسموحه ...ابوحنفي...!!! ؟؟ هسه ده اسم ولا ترلا ...!! ولا ده شنو هو ذاتو ...!!! لا وجاري مستعجل ..خايفا تطير الحمامة دي ...!! تطير ماترك انتا ..!!
اها قالو العرس في صالة الأحلام ...!! (ليك حق يا ابو حنفي دي في الأحلام ماأظن كان تلقاها ...!!) المهم طبعا اتكركرنا علي هناك لالقاء النظره الاخيره ...هو عليك الله (ابو حنفي) المابخجل ده الصاله ليهو شنو كمان راجل قدر ده بي أولادو ...!! المهم يازول وصلنا ليك محل العرس ..!! الاعمي شايل المكسر الصاله دي مقشوطه لي عينا ...الليلة غايتو (الواتسابات ) جاها زول ...!!! الله يستر علي النت ...!!
عاينا كده نتلفت كايسين باقي المنتخب ده (فدوي وعزه) كان نتصبر شويه ...!! الاتنين مافيشات ...!! اكيد مع العروس جايين من الكوفير ...هو عليك الله سماح دي دايرا ليها (كوافير )
) وحات الله كان غسلت وشها ده بي مويه واتمسحت ليها بي حبة (نيفيا ) وجات ..!! كفاها ....!!
المهم بعد شوية نسمع ليك تيييت ..تيييت ...تيييت اها العروس جات ...!!! اللليله وووب ...'!! و وقالت كده( فدوي) جات نازله هييييع ...الأسد النتر ...!!! وعزه وراها ...والنَّاس في خطر ...!! غايتو بنات (عذاب ) بس ...!! اها سموحه قالت كدا جات دافرا ...!! يا ارض احفظي ماعليك...!! والله ياخوانا بس مرجعين الشعر ده لي ورا والفستان الأبيض مع الخدره الدقاقا ( رز بالزبيب ) غايتو جنس شغل .....ونحن بس اها...!!! مقهيين نعاين ...!! ياخ البنات بتفرجن ...!! ياحليلك بالكتير يالمفدعة ام ضمير...!!
لكن بي أمانة ( فدوي ) (وعزه )الليلة عاملات شغل ...وكلامن برا ...اول حاجه القشرا من أمها ...!! ( عزه ) دي طبعا عندها أحسن (نص ) في السودان...!! هي ذاتا عارفا كده ...!! عادي ممكن تلعب في برشلونة ...!! وفدوي ديك يحردو ليها العيون ...!! غايتو بس الواحد حقو (يتحنن ) ويجدعو بي الحيطه جوه بيت البنات ديل يختوهم امام الامر الواقع..!! ويعقدو ليهو علي اي واحده فيهن من طرف والنسوان بي بره يزغردن ...!! والله جد ...!!!
الله لاكسبك يا ابوحنفي ...(حنفي ) ده ماكفاك جاي تكابس هنا ...
اممممممك اها (ابو حنفي) جا ...(تجيك الطاوية حبالا) ...الجلابيه والمركوب والعمة ...!! بالبلدي كمان قال ليك ...!! ماعندو طريقة غير كده ..!! لازي كرشو دي ...( ايوه حاقدين ) .....!! طبعا زولك يشيل ويبشر مع أصحابو ...وريحةٌ الدولارات دي طاقا ماليه الحته ..!!! انتو الناس دي بجيبو القروش دي من وين ...!!؟؟ ....البلد دي نحنا حايمين فيها ذي (الرقشات) تعريفه واحده مافيها..!! غايتو الله كريم علينا ..!!
المهم جا قعد جنب سماح ...(يقعد نصك) بس ذكرني الطيره البتقعد في ضهر التمساح ديك ...!!
ياربي ام الأولاد عارفا الزول ده هنا ...!!؟؟ علي حسن حظي لقيت ليك ليك صبري الفقري جنبي..!! قلتا لي انتا زولك الهامل ده أولادو عارفين عرسو الليله ...!! صبري كمان بتلفت ..!! اداني ليها عالهوا ...!! قال لي شايف (ضاااك ..) (ضاك دي يعني داك) ..،(انا ماقلتا ليكم صبري ده داير صبر ...) قلتا ليهو ( ضاااك ) منو ..!!؟ قال لي (ضاك ) ماحنفي ياخ ...!! قلنا ليهو حنفي منو ..!!؟؟ قال لي ولد العريس ....!!! ا ...اهاااا....حنفي ..وأبو حنفي ....!! ايوااا يادوب فهمتا ...يعني الولد حاضر ....!! صبري قال لي والمرا (ظاتا ) عارفا سجلو ليها بيت في (قارضن ) سيتي ومغلق في ( الصجانه ) ...!!! والله (غاردن سيتي ) لو كان بنطقوها كده كان المتر فيها بي تلاته جنيه ...!!
(شوفو جنس (القرض ) إلانا فيهو ده ) ...غايتو زهجني زهج قلتا ليهو وانت ما ادوك قطعة واطا ...!! ا(الواطا التبلعك) ..!!! تتخيلو صبري اداني ( لبعه ) في نص ضهري ..!! وفات ...قال لي اصلو (الحصنة) في المنعول ...!! مابتنفع ...!! شوفو الزول ده بشتن (المثل ) ده كيفن ...
المهم يازول ابوحنفي طبعا شاعر بي عظمة بعد ماسجل ( رونالدو) ده ...!! بس كان نفسي اسأل سموحه دي سوْال ... أقول ليها مبسوطة بي ابو حنفي ولاٌ تظليل العربية المخفي ....!!
غايتو البركة في فدوي وعزة ...!!! الله يسترن من اصحاب ابو حنفي ديل ..!!لافين معاهو ذي التماسيح ....!!
اها ياخوانا نستعمل الحنك ....!! ولا يضحك السمك ...
والحب يا ام (سماح ) مابالغنا وعرضا ...مكتوب فوق جبين اليابا واليرضي ...والحب يا ام ( سماح )