يوميات علوب ....168...من داخل الصف
( الدقيق وقت الضيق )
واقفين في صف( العيش ) وطبعا الصف هلال مريخ ..!! الرجال بي هنا 
🚶🏻♂️🚶🏻♂️🚶🏻♂️ والنسوان بهناك ...
🚶♀️🚶♀️🚶♀️
🚶🏻♂️🚶🏻♂️🚶🏻♂️ والنسوان بهناك ...🚶♀️🚶♀️🚶♀️
( وبوادر أزمة تلوح في الأفق)
في واحد جا متأخر وعايز يقيف قدام ....!! مشي كدا بي ثقة وقف ...( الود غامض يعني ) ...!! وقالت كدا القيامة قامت .....هوي يا أبن العم في شنو ياخ !!؟؟ انتا احسن مننا ولا شنو ...!!وااك ويييك ...جاااك جيييك ...الكواريك ضربت ...!!
واحد شجب ..!! واتنين استنكرو ...!! وفِي مرا عبرت عن قلقا....!!
يازول في النهاية جاطت .....!! جماعتك نزلو فيهو ردم زي الردم برا ...برا ..برا
🎉🎉🎉
🎉🎉🎉
طبعا في ناس مابتشارك إلا تتاكد إنو القصة وسعت شديد... والمظاهرة نجحت ...حتي بعد داك تخش ...
لا ...وبستلموها كمان ...!! وديل نسبتم ماشه في زيادة ...!! ( اللهم زِد وبارك )
....!! المهم كلمة من هنا وكلمة من هناك زولك اتخارج ( يبدو انه غامر بمحاولة انقلابية وفشلت )
كان عايز يستلم ( الرغيفة ) ....!!! 
👀
👀
تستلم شنو !!؟ ...( هو فضل فيها لقمة ) ...!!
المهم نال شرف المحاولة ...!!
( القحة ولا صمة الخشم ..) ....!!
ومضي غير مأسوف عليه...!! لاطال ( عنب ) الشام 
🍇ولا ( عيش ) الفرن 
🥖
🍇ولا ( عيش ) الفرن 🥖
واستمر الزحف المقدس في الصفين نحو الهدف .... !!
( وامغستنا نحنا الهدفنا بقي ( عيشة ) ....!!!
المهم فجاتن كدا وبدون مقدمات نطا واحد قال ...!! هن ( النسوان ) ديل بدل واقفات كدا ما يمشن يعوسن ...!!؟؟
ساي كدا من غير سبب ...!! 
😳
😳
طبعا في رجال كدا وكت يلقو حتة فيها نسوان ورجال متلمين .. تأخذهم العزة بالإثم ....وبحسو بي شوية ( عظمة) كدا ...!! فتتولد لديهم الرغبة في القيام بأي حركة ودور بطولي مستفيدين من الجمهور ( الملح ) دا .....!!وديل غالبا الواحد منهم بتكون يا مرتو ( قشطتو ) كف من الصباح ...!! ولا مرسلاهو ....!!
فبحاول يفضي ( الكبت الأُسَري ) دا هنا في التجمعات والصفوف دي ...!! وهذه واحده من ( إفرازات ) المرحلة.... !!
حكمة الله ناس كتااار ..يقول ليك ( افرازات ) المرحلة ...!! تقول ليهو (افرازات ) يعني شنو ...تلقي مافارزا ...!!!
المهم نرجع لي زول ( العواسة ) دا ....وأريتو لو ما نطق ....!! حيث لم يتأخر الرد كثيرا من صف ( القوارير) ....
🤷🏻♀️🤷🏻♀️🤷🏻♀️
🤷🏻♀️🤷🏻♀️🤷🏻♀️
واحده منهن قافلة معاها ...!! وعلي ( الصف ) العليها دا
شايفا طشاش ..!! فكتو ليك بي ( قارورة ) النوع الكبير بتاعة ( الشربوت ) ديك.... فرطقتو ليك فرطيق ....!!
💣💣
🔨🔨
💣💣🔨🔨
قالت ليهو و إنتا مالك يا اخوي ..!!!مرتك ( محننة ) ولا شنو ....!!؟؟ ماياها دي قبل شوية كانت لافه بي هنا ...!! ( يوززززززززع ) 
👏👏👏
👏👏👏
رجمتو بالمقاس المستهبل ..!! ( هسا كان في داعي لي جنس دا )
دايما في الأزمات والناس خلقها ضايق ...!!
( إبتعد عن الحلول الوهمية ...!! وتأكد بشكل قاطع أنك لست جزء من الأزمة )...
أها زولك دا بي ( لتاختو ) ( وعواستو ) دي ..أنا شايفو أحسن من ( الاتنين ) الوراي في الصف ديل ....ياخ ديل ( الخيال ) ذاااتو ....ماعرفتهم ماخدين بنج ( حصين ) ولا القصة هي ذاتا شنوو...!!؟ ولا الحاصل شنو في البلد ..!! والله ماعرفتا ...!!! ( غلبني ) عديل كدا ....
😇😇
😇😇
( أبرد من كدا ما شفتا ....!! )
تتصور ديل بيحكو عن مواضيع ماعندها أي علاقة بالصف الواقفين فيهو دا ( وقدسيتو ) ...!! ولا العيش الريحتو طلعت دا ...🥖🥖🥖
🥖🥖🥖
إنصرافية عن القضايا الأساسية ...!! وانحرافية كدا مبالغ فيها....!!
( ما بقولو انحرافية ياعلوب ...!! ( فضحتنا )
( ياخ انحرافية ( حرفنة ) المهم الاتنين ديل حرقوني شديد ...!! ( باردين ياخ ....!!)
بالله شوفو الحوار دا ووروني لو أنا غلطان....!!
الوراي طوالي حيطة بالحيطة دا ...لا ...و كمان ( دارع ليهو سفنجة خدرا ) ...قلنا مامشكلة ...بقت علي ( السفنجة ) يعني ....!!
( علي الأقل يطفح بيها كان وقع في خور )
القصة في الحوار ...!!
قال لي صاحبو الوراهو طوالي في الصف دا ...!!
( هي وكت بتحبو قدر دا ..!!ودايراهو..!! أهلها مالن ومالا ...!! مش هو زول كويس ..وأخلاقو كويسة ....!!
( لحدي الوكت دا أنا قايلم بتكلمو عن الدقيق) ...!!
داك قال ليهو والله هو زول كويس لكن قالو بشرب
( بنقو ) ....!!!
هياااا ال ( بنقو ) ..!!
( بنقو ) كد ( حاف ) في نص الصف دا ..!!
مابالغتو لكن ...!! دون مراعاة لمشاعر هؤلاء الواقفون والقابضون علي جمر القضية ...
🔥
🔥
النصيحة هم ذاتم عشان نكون واضحين عينم علي ( جمر ) الرغيفة أكتر من ( جمر ) القضية ...!! وحات الله
متابعين ليك ( العيش ) يتقلب جوا الفرن زي ( المسلسل ) تحلف تقول ( جراحين ) ...!!
غايتو الحكومة دي ورتنا ...!!الله يوريها ....!!
لكن دا برضو ما بديهم الحق يجيبو سيرة ( العشبة ) دي هنا ....!! حالة صعبة شديد ...
اها دا كووولو كوم ....والواقف ورا ( الاتنين ) ديل ( كوم برا ) ...( المغسة ) البتشرط والماساة البتهرد) ....!! ( تالتم دا )
دا طبعا ما عندو علاقة أصلا بالموضوع ولا أي علاقة بالنفرين القدامو ديل ...كل مؤهلاته إنو زول واقف في الصف ..!! جاي يشيل عيش ...!!
لكن واضح إنو طموحاتو أعلي بي كتير ...!!
لأنو عمل ( لايك ) وقرر يشارك في الحوار الوطني دا ومن الداخل ...شنقل ليك راسو ...! وأدا ( أضانو ) دي حكة ...!! وقال كدا ( استفرغ ) ( الكومنت) حقو .....!!
قال ليهم انتو متاكدين انوأهل البت دي واثقين من الكلام دا ... ولا ساكت بس ...( إمكن هسا الود دا ( بسجر ) السجار الواحد دا ...!!العرفن شنو دا ( بنقو ) ...!! 😳😳😳😳
😳😳😳😳
( انتهي التعقيب )
( البنقو يا يايابا اليشربو ليك بي نخرينك رجيت الله)
😤😤😤
هسا بس دا يقولو علي شنو عليكم الله ...معقولة لكن ....!! 
😩😩
😩😩
أزمة العيش دي ممكن تتحلا ...!! أزمة البشر دي البحلها شنو ....!!
زي زولك المرض دا.....خشا تووووش ولا أتلفت
( ياربي يكون قايل نفسو في قروب واتس ...😳😳)
😳😳)
.....والله دي فاتت علي ...!!!😳
😳
صدقو في إحتمال .!!!!؟
المهم زوووول عبرو مافي ( السغيل )
أها بي هناك صف ( النسوان) ماشي أسرع .....لحدي ماجات ( أمونه ) أنا عرفتا القيامة حتقوم .....!! طوالي صرحت وبي صوت عاااالي ...
قالت هي الحكومة دي موديانا لي وين يعني ....!!!؟؟
( يمين الصف لما ( كتم ) ...)
لتتفوق علي صاحب الانقلاب الفاشل ....!!
( دي طلعت بيان عديييل ....!! )
( غايتو امونة دي وزارة ذاتا شوية عليها )
وإنتا ما إنتا وانت جعان ....!!
خد لك ( عيشة ) ......
أحسن !!؟
ومحل ( الرغيفة ) التنقد ....!! صحي يامنمن .....!!